15 މީހުންނާއެކު ރ. އުނގޫފާރުން ށ. މިލަންދޫއަށް ދަތުރު ކުރަމުން ދިޔަ ލޯންޗެއް ބަނޑުން ޖަހާލައިފިއެވެ.
ފުލުުހުން ބުނީ، މި ލޯންޗު ބަންޑުން ޖަހާލައިގެން ރިޕޯޓްކޮށްފައި ވަނީ މިއަދު މެންދުރު ފަހު 2:30 ހާއިރު ކަމަށެވެ. ރ. އުންގޫފާރުން ށ. މިލަންދޫއަށް ދަތުރު ކުރަމުންދިޔަ މި ލޯންޗު ބަންޑުން ޖަހާލާފައި ވަނީ ށ. މާކަނޑުދޫ ކައިރިން ކަމަށް ފުލުހުން ބުނެއެވެ.
މި ލޯންޗުގައި ޖުމްލަ 15 މީހުން ދަތުރުކޮށްފައިވާ އިރު، އޭގެތެރޭގައި ހިމެނެނީ 6 އަންހެނުންނާއި 4 ފިރިހެނުންނާއި 5 ކުޑަކުދިން ކަމަށް ފުލުހުން ބުނެއެވެ.
އެ އެންމެން ވަނީ ށ. މިލަންދޫ ސިއްހީ މަރުކަޒަށް ގެންގޮސް ފަރުވާ ދިނުމަށްފަހު ދޫކޮށްލާފައިވާ ކަމަށް ފުލުހުން ބުނެއެވެ.
މައުލޫމާތު ލިބޭ ގޮތުގައި މި ހާދިސާގައި އެއްވެސް މީހަކު ގެންބިގެން ހާލު ސީރިއަސް ވެފައެއް ނުވެއެވެ. ލޯންޗުގައި ތިބި މީހުންނަށް ސިއްހީ މަރުކަޒުނ ފަރުވާ ދީފައި ވަނީ ލޯންޗ ބަނޑުން ޖަހާލައި އަޑިއަށް ދިއުމުން ނަފްސާނީ ގޮތުން ލިބުނު ގެއްލުމާ ގުޅިގެން ކަމަށް މައުލޫމާތު ލިބެއެވެ.
