މާލެ ސަރަހައްދުގައި ހިންގާ ސްޕާތަކާއި ސެލޫންތަކުގެ ސާފުތާހިރުކަން ވަޒަން ކުރުމަށް ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ހާއްސަ އިންސްޕެކްޝަނެއް ފަށައިފިއެވެ.
އެ އެޖްނެސީން ބުނީ ގްރޭޓާ މާލެ ސަރަހައްދުގައި ހިންގަމުންދާ ޒާތީ ހިދުމަތްދޭ ތަންތަނުން (ސެލޫން، ސްޕާ ފަދަ ތަންތަން) އާންމުނަށް ހިދުމަތްދޭއިރު އެފަދަ ތަންތަނުގައި ސާފުތާހިރުކަމުގެ މިންގަޑުތައް ދަމަހައްޓާ ގޮތް ދެނެގަތުމަށް ޓަކައި ކުރެވޭ ހާއްސަ އިންސްޕެކްޝަންތަކެއް ފެށިގެން ކުރިއަށްދާ ކަމަށެވެ.
މި އިންސްޕެކްޝަންތައް ފަށާފައި ވަނީ މި މަހުގެ 9 ވަނަ ދުވަހު ކަމަށާއި އަދި މި މަހުގެ 19 ވަނަ ދުވަހުގެ ނިޔަލަށް އިންސްޕެކްޝަންތައް ކުރިއަށް ގެންދިއުމަށް ހަމަޖެހިފައިވާ ކަމަށް އެޗްޕީއޭއިން ވަނީ ބުނެފައެވެ.
އެހެންކަމުން އެ އިންސްޕެކްޝަންތައް ކުރިއަށް ގެންދާއިރު ސެލޫން އައި ސްޕާ ހިންގާ ފަރާތްތަކުން އެ ކަމަށް އެއްބާރުލެއްވުން ދެއްވުމަށް އެޗްޕީއޭއިން ވަނީ އެދިފައެވެ.
އަދި އެކަމާއި ގުޅޭގޮތުން އިތުރު މައުލޫމާތު ސާފުކުރައްވަން ބޭނުންފުޅުވާނަ އެ އޭޖެންސީގެ ފޯނު ނަންބަރު 3024570 އަށް ގުޅުމަށް ވެސް އެ އެޖެންސީން ވަނީ އެދިފައެވެ.
