ވަރުގަދަ ކާސްޓެއް ފެނިގެންދާ "ހައުސްފުލް 5" އަންނަ އަހަރު ރިލީޒްކުރާ ގޮތަށް ހަމަޖެހިއްޖެއެވެ.
އަންނަ އަހަރުގެ ޖޫން މަހުގެ 6 ވަނަ ދުވަހު ރިލީޒްކުރުމަށް ހަމަޖެހިފައިވާ މި ފިލްމުގެ ފަހު ޝެޑިއުލްގެ މަސައްކަތް މިހާރު ކުރިއަށް ގެންދާއިރު މި ފިލްމަކީ ބޮޑު ކާސްޓެއް އެކުލެވިގެންވާ ފިލްމެކެވެ. ޕްރޮޑިއުސަރު ސާޖިދު ނަދިއަދުވާލާގެ ނަދިއަދުވާލާ ގްރޭންޑްސަން އިން މި އަހަރުގެ އޮގަސްޓް މަހުގެ ތެރޭގައި ޝޫޓިން ފެށި މި ފިލްމަކީ ފްރެންޗައިޒް ފިލްމެކެވެ.
"ހައުސްފުލް 5" ގެ ކާސްޓްގައި އަކްޝޭ ކުމާރާއި ރިތޭޝް ދޭޝްމުކާއި ޗަންކީ ޕާންޑޭ، ޖެކަލީން ފާނަންޑޭޒް، އަބީޝެކް ބައްޗަން، ޑީނޯ މޯރިއާ، ނަރްގިސް ފަހްރީ، ސަންޖޭ ދަތު، ޗިތުރަންގަދާ ސިންގް، ނާނާ ޕަޓޭކަރް، ސޯނަމް ބަޖްވާ، ރަންޖީތު، ޖޯނީ ލީވާ، ޖެކީ ޝްރޮފް، ޝްރެޔަސް ތަލްޕަޅޭ އަދި ސައުންދަރިއާ ޝަރުމާ ހިމެނެއެވެ.
"ހައުސްފުލް" ފްރެންޗައިޒްގެ ހަތަރު ވަނަ ފަރުހާދު ސަމްޖީ ޑައިރެކްޓްކޮށް ގެނެސްދިނީ 2019 ގައެވެ. މި ފިލްމުގެ ފުރަތަމަ ބައެއް އާންމުންނާ ހަމައަށް އައީ 2010 ވަނަ އަހަރުއެވެ. ހައުސްފުލް ފްރެންޗައިޒަކީ ހެއްވާ މަޖާ ކަންތައްތަކެއް ދައްކުވައިިދޭ ފިލްމެކެވެ. އަދި މި ފިލްމުގެ ބައިތަކަކީ ގިނަ ދިވެހިން ވެސް ވަރަށް ގަޔާވާ ފިލްމުތަކެކެވެ. މި ފަހަރުގެ ފިލްމު ޑައިރެކްޓްކުރަނީ ތަރޫން މަންސުކާނީ އެވެ.
