ބޮލީވުޑްގައި އުފެދުނު އެންމެ މޮޅު އެކްޓަރުންގެ ތެރޭގައި ހިމެނޭ އެކްޓަރު ސުނިލް ޝެޓީގެ އަންހެން ދަރިފުޅު އާތިޔާ ޝެޓީ އަށް އަލަތު ދަރިފުޅު ލިބެން އުޅޭކަން ހާމަކޮށްފިއެވެ.
އާތިޔާ އާއި އޭނާގެ ފިރިމީހާ، ކްރިކެޓް ތަރި ކޭއެލް ރާހުލް އަށް ދަރިޔަކު ލިބެން އުޅޭކަން ހާމަކުރީ އެދެމީހުންގެ އިންސްޓަގްރާމް އެކައުންޓުގައެވެ. ދަރިފުޅު އަންނަ އަހަރުވިހާނެ ކަމަށް އެ ޕޯސްޓުގައި ބުނެފައިވާއިރު އާތިޔާގެ އެ ޕޯސްޓާއެކު ގިނަ އަދަދެއްގެ ފޭނުންނާއި ބޮލީވުޑްގެ ތަރިން އަންނަނީ ދެމަފިރިންނަށް މަރުހަބާ ކިޔަމުންނެވެ. ސަލްމާން ހާން ޕްރޮޑިއުސްކުރި 2015 ގެ ފިލްމު "ހީރޯ" އިން ބޮލީވުޑަށް ތައާރަފްވި ބަތަލާ އާތިޔާ އަކީ ބޮލީވުޑްގައި މާ ބޮޑު ކުރިއެރުމެއް ލިބިފައިނުވާ ތަރިއެކެެވެ. ބަތަލާގެ ފިލްމީ ކެރިއަރުގައި ތިން ފިލްމު ކުޅުނެވެ. ބަތަލާ އާތިޔާ އާއި ކްރިކެޓް ތަރި ރާހުލް ކައިވެނި ކުރީ މިދިޔަ އަހަރުއެވެ.
އާތިޔާ ބަލިވެ އިނުމާއެކު ސުނިލް ކާފައަކަށް ވާނެއެވެ. އެކްޓަރު ސުނިލްގެ ފިރިހެން ދަރި އަހާން ޝެޓީ ވަނޯ 2021 ވަނަ އަހަރު ބޮލީވުޑަށް ތައާރަފްވެފައެވެ. ފިލްމު "ތަޅަޕް" އިން ތާރާ ސުތައިރާ އާއެކު އަހާން ބޮލީވުޑަށް ތައާރަފްވިއިރު އޭނާގެ ކެރިއަރުގައި ކުރިއަށް ދެ ފިލްމު އެބައޮތެވެ.
