ބޮލީވުޑްގެ ބަތަލާ ޕަރިނީތީ ޗޯޕްޅާ އާއި އޭނާގެ ފިރިމީހާ ރާގަވް ޗައްޑާގެ ކައިވެނީގެ އެނިވާސަރީ ރާއްޖޭގައި ފާހަގަކޮށްފިއެވެ.
ދެމަފިރިންގެ ކައިވެންޏަށް އަހަރެއް ފުރުނުއިރު ދެމީހުންވަނީ ރާއްޖޭގައި އެމީހުންގެ އެނިވާސަރީ ފާހަގަކޮށްފައެވެ. ބަތަލާ ރާއްޖެ އައި ނަމަވެސް ތިބީ ކޮން ރިސޯޓެއްގައި ކަމެއް ހާމަކޮށްފައެއްނުވެއެވެ. ނަމަވެސް ރާއްޖޭގައި ނަގާފައިވާ ފޮޓޯތަކެއް ވަނީ ދެމީހުންގެ އިންސްޓަގްރާމް އެކައުންޓުގައި ވެސް ޕޯސްޓްކޮށްފައެވެ. ޕަރިނީތީ އާއި ރާގަވް ކައިވެނިކުރީ މިދިޔަ ސެޕްޓެމްބަރު މަހުގެ 25 ވަނަ ދުވަހުއެވެ.
ކައިވެންޏަށް މަހެއްވީތަނާ ބަތަލާ ވަނީ އޭރު ވަލްޑޯސް އެސްޓޯރިއާ މޯލްޑިވްސް އިތާފުށީގެ ހިތްގައިމު މާހައުލުގައި ޗުއްޓީ ހޭދަކޮށްފައެވެ. ޕަރިނީތީ އާއި ރާގަވް އަކީ ވަރަށް ކުރީއްސުރެ ވެސް ގާތް އެކުވެރިންނެވެ. މިދެމީހުން ލަންޑަނުގައި އެއްކޮށް ކިޔަވަން އުޅުމުގެ ތެރޭގައި ދިމާވެ އެކުވެރިވިއެވެ. އަދި އެންމެފަހުން އެ ގުޅުން ލޯތްބަށް ބަދަލުވެ އިއްޔެ އެންގޭޖްވެސް ކުރީއެވެ.
ދެހާސް އެގާރަ ވަނަ އަހަރު ފިލްމު "ލޭޑިސް ވާސަސް ރިކީ ބާލް" އިން ބޮލީވުޑަށް ތައާރަފްވި ބަތަލާ ޕަރިނީތީ ވަނީ އާންމުން ބަލައިގަންނަ ފެންވަރުގެ މޮޅު ފިލްމުތަކެއް ކުޅެ އޭނާގެ ހުނަރު ދައްކާލާފައެވެ.
