ކްރިމިނަލް ޖަސްޓިސް އެޑްވައިޒަރަކަށް ހުންނެވި މުހުތާޒް މުހުސިން ފޮރިން މިނިސްޓްރީގެ ސްޓޭޓް މިނިސްޓަރުގެ މަގާމަށް ބަދަލުކޮށްފިއެވެ.
މިކަން ރައީސް އޮފީހުގެ ތަރުޖަމާން ހީނާ ވަލީދު ޔަގީންކޮށްދެއްވާފައިވާއިރު، މުހުތާޒް ފޮރިން މިނިސްޓްރީއަށް ބަދަލުކުރެއްވީ ކޮން އިރަކު ކަމެއް އަދި މަގާމު ބަދަލުކުރެއްވި ސަބަބެއް ސާފުވެފައެއް ނުވެއެވެ.
ރައީސް އަބްދުﷲ ޔާމީންގެ ސަރުކާރުގައި ކްރިމިނަލް ކޯޓުގެ ފަނޑިޔާރުކަން ވެސް ކުރެއްވި މުހުތާޒް ކްރިމިނަލް ޖަސްޓިސް އެޑްވައިޒަރުގެ މަގާމަށް އައްޔަން ކުރެއްވީ މިދިޔަ ޖެނުއަރީ މަހެވެ.
އޭނާ ވަނީ ނިމިދިޔަ ރައްޔިތުންގެ މަޖިލިހުގެ އިންތިހާބުގައި ޕީޕީއެމް/ޕީއެންސީގެ ޕްރައިމަރީގައި ވެސް ވާދަ ކުރައްވައިފައެވެ.
