އއ. ތޮއްޑޫ ޑައިވް ވިލާ ސެންޓަރުގައި މަސައްކަތްކުރާ ރަޝީއާ މީހެއްގެ ގައިގައި ޖެހި މައްސަލަ ހުށަހަޅާފައި ވާކަމަށް ފުލުހުން ބުނެފިއެވެ.
ފުލުހުން ބުނީ މި މަހުގެ 20 ވަނަ ދުވަހުގެ 18:30 ގައި ޑައިވް ވިލާ ސެންޓަރުގައި މަސައްކަތްކުރާ އުމުރުން 42 އަހަރުގެ މީހެއްގެ ގައިގައި ޖަހާފައިވާކަމުގެ މައްސަލަ އެއް ހުށަހަޅާފައި ވާކަމަށެވެ. މި މާރާމާރީގައި އިންޔާވި މީހާއަށް ތޮއްޑޫ ހެލްތް ސެންޓަރުގައި ފަރުވާ ދިނުމަށްފަހު ދޫކޮށްލާފައި ވާކަމަށް ފުލުހުން ވަނީ ބުނެފައެވެ.
މީގެ އިތުރުން ފުލުހުން ބުނީ މި މައްސަލައާއި ގުޅިގެން އަދި އެއްވެސް މީހަކު ހައްޔަރު ކޮށްފައި ނުވާކަމަށެވެ.
މި މައްސަލަ ފުލުހުން އިތުރަށް ތަހުގީގު ކުރަމުން އަންނައިރު މިކަމާ ގުޅިގެން މާ ބޮޑު ތަފްސީލެއް އަދި ފުލުހުން ހާމަކޮށްފައެއް ނުވެއެވެ.
