ފެނިގެންދާނީ އެންމެ ގިނަ އަންހެނުން ހިމެނޭ ކޮރަޕްޝަނަށް ނޫނެކޭ ބުނާ ސަރުކާރެއް ކަމަށް އިންތިހާބީ ރައީސް ޑރ. މުހައްމަދު މުއިއްޒު ވިދާޅުވެއްޖެއެވެ.
މުއިއްޒު މިފަދައިން ވިދާޅުވީ މިއަދު ފާހަގަކުރަމުންދާ ޖުމްހޫރީ ދުވަހުގެ މުނާސަބަތުގައި ޓީވީއެމްއިން ކުރިއަށްގެންދިޔަ "ދިވެހީންގެ ރާއްޖެ" ޕްރޮގްރާމްގައި ވާހަކަފުޅުދައްކަވަމުންނެވެ.
މުއިއްޒު ވިދާޅުވީ ކެމްޕެއިން ފެށުނީންސުރެ މިއަދާ ހަމައަށްވެސް ދައްކާފައި ހުންނާނީ އެއް ވާހަކަތަކެއް ކަމަށާއި ތަފާތެއް ނުހުންނާނެ ކަމަށާއި އެހެން އެކަންވެފައިވަނީ ހިތުގެ އަޑިން ދައްކަވާ ވާހަކަކަށްވާތީ ކަމަށެވެ. އަދި ފާޑުކިޔުމަކީ ރައްޔިތުންގެ އަތް މަތީގައި އޮތް ކަމެއް ކަމަށާއި ރައްޔިތުންނަށް ހިދުމަތް ކުރައްވަން ނިކުންނަވަނީ ﷲގެ ވާގިފުޅާއެކު ކަމަށް މުއިއްޒު ވިދާޅުވިއެވެ.
މުއިއްޒު ވިދާޅުވީ އެމަނިކުފާޏު އެކުލަވާ ޓީމު، ކެބިނެޓް އަދި ކުންފުނިތަކުގެ ވެރިންގެ ގޮތުގައި ތިއްބަވަނީ އެއިން ކޮންމެ ބޭފުޅެއްގެ މައްޗަށް އެމަނިކުފާނަށް ފަހު ބަސް ބުނެވޭނެ ފަދަ ބޭފުޅުން ކަމަށެވެ. އަދި ބަހެއް ބުނުމުން ނުވަތަ ވަކި ގޮތަކަށް ކަމެއް ކުރަން ބުނުމުން އެ ބޭފުޅަކު އެހެން ބޭފުޅެއްގެ "އެޕްރޫވަލް" ހޯދަން ޖެހޭ ބޭފުޅަކު އެފަދަ މަގާމުތަކަށް ހަމަނުޖައްސަވާނެ ކަމަށް މުއިއްޒު ވިދާޅުވިއެވެ.
މުއިއްޒު ވިދާޅުވީ މަގާމުތަކަށް ލާނީ ރައްޔިތުންނަށްޓަކައި ވީ ވައުދުފުޅުތައް ރަނުން ރަނަށް ފުރިހަމަ "ކޮމިޓްމެންޓާއެކީ" ގައި ރެއާއި ދުވާލު ހޭލާ ހުރެ މަސައްކަތް ކުރަން ޖެހުނު ކަމަށް ވިޔަސް ކުރެވޭ ވަރުގެ ބޭފުޅުން ކަމަށާއި ކުރިންވެސް ވިދާޅުވި ފަދައިން ރައްޔިތުން ފަހުރުވެރިވާ ފަދަ ނަތީޖާ ނެރެދެވޭ ފަދަ ޓީމެއް އެކުލަވާލާނެ ކަމަށެވެ.
މުއިއްޒު ވިދާޅުވީ ތައުލީމީ ގާބިލު އަދި އެންމެންނާއެކުގައި މަސައްކަތް ކުރެވޭނެ ޓީމެއް އެކުލަވާލުމަށް ބޭނުންވެވަޑައިގަންނަވާ ކަމަށާއި ބައިބައިވުމާއި ބަދަލުހިފުމާއި އަބަދު ދެކޮޅު ވެރިކަމުގެ ރޫހު ތެރޭގައި ކުރިއަށް ދާން ބޭނުންވެވަޑައިނުގަންނަވާ ކަމަށެވެ. އަދި އެކުވެރިކަމާއި ހަމަޖެހުން ގައުމަށް ބޭނުވާ ކަމަށާއި އެ ވާހަކަ ތަކަކީ ކުރިންވެސް ދައްކަވާފައިވާ ވާހަކަތައް ކަމަށް މުއިއްޒު ވިދާޅުވިއެވެ. ކެބިނެޓް އެކުލަވާލުމުގައި ބެލީ އެ ހުރިހާ ކެމެއް ހާސިލުކުރުމަށް ކަމަށް މުއިއްޒު ވިދާޅުވިއެވެ.
މުއިއްޒު ވިދާޅުވީ ޓީމު އެކުލަވާލައްވާނީ އެ ހުރިހާ ކަމެއް ހާސިލްވާ ގޮތަށް ކަމަށެވެ. އަދި ނުކުމުގެން އުޅޭ ލިސްޓް ތަކަށް ބަލާއިރު އޭގެ ގާތް ގަނޑަކަށް 90 ޕަސެންޓް ރަނގަޅު ކަމަށާއި 95 ޕަސެންޓްވެސް ރަނގަޅޭ ދެންނެވިދާނެ ކަމަށް މުއިއްޒު ވިދާޅުވިއެވެ.
އެއަށްކުދި ކުދި ބަދަލު އެބަހުރި ކަމަށާއި ދުނިޔެއަކީ ކުޑަތަނަކަށްވުމުން ކިތަންމެ ކޮންފިޑެންޝިއަލިޓީ ހިފަހައްޓަން މަސައްކަތް ކުރި ނަމަވެސް ގާތް މީހާ ގާތް މީހާ ކައިރީ ސިއްރެއްގެ ގޮތުގައި ބުނާ ވާހަކަތައް އެހެންދާ ކަމަށް މުއިއްޒު ވިދާޅުވިއެވެ.
ވީހާވެސް ގިނައިން އަންހެން ބޭފުޅުންނަށް ފުރުސަތު ދެއްވާނެ ކަމަށް ވިދާޅުވެފައިވާނެ ކަން ފާހަގަކުރައްވާ މުއިއްޒު ވިދާޅުވީ މުހިއްމު 6 ކުންފުންޏެއް ހިންގާނީ ކަމަށް ގާބިލު ހިންގުންތެރި އަންހެން ބޭފުޅުން ކަމަށާއި ދެން ކެބިނެޓުގައި ވެސް އަންހެން ބޭފުޅުން ހިމެނޭނެ ކަމަށެވެ. އަދި މުޅި ކެބިނެޓްގެ ނިސްބަތުން އަންހެން ބޭފުޅުން ގިނަ ނުވިޔަސް ކެބިނެޓާއި ކުންފުނިތައް އެއްކޮށްލާއިރު މިހާތަނަށް އެންމެ ގިނަ އަންހެން ބޭފުޅުން ހިމެނޭ ސަރުކާރު އަންނާނެ ކަން ޔަގީން ކަމަށް މުއިއްޒު ވިދާޅުވިއެވެ.
މުއިއްޒު ވިދާޅުވީ ވީ ވަރަކުން ބަލާފައި ހުންނާނީ އެ ދާއިރާއަކާ ގުޅޭ ބޭފުޅުންނާއި އެ ދާއިރާއަކުން ކިޔަވާ ވިދާޅުވެގެން ހުންނެވި ނުވަތަ އެ ދާއިރާއެއްގެ ތަޖުރިބާ ވީހާވެސް ވަރަކަށް ލިބިލައްވައިގެން ހުންނެވި ބޭފުޅަކު ނެންގެވުމަށް ކަމަށެވެ. އަދި އެހެން ނުވާ ފަހަރުގައި ހުންނާނެ ހިންގުމުގެ ގޮތުން އެ ދާއިރާ ހިނގޭނެ ފަދަ އެ ދާއިރާއަކާ ގާތް އަދި ތަޖުރިބާގެ ގޮތުން ހިންގުންތެރި ބޭފުޅުންނަށް ފުރުސަތު ދެއްވާފައި ކަމަށް މުއިއްޒު ވިދާޅުވީ
ތައުލީމީ ގޮތުން ފުރަތަމަ ޑިގްރީ ނެތް ބޭފުޅަކު ޓީމުގައި ނުހުންނަވާނެ ކަމަސާއި ޕީއެޗްޑީ ހައްދަވައިގެން ތިބި 9 ބޭފުޅަކު އަދި މާސްޓާސް ހައްދަވާފައި ތިބި 7 ނުވަތަ 8 ބޭފުޅަކު ތިއްބަވާނެ ކަމަސާއި ތަޖުރިބާގެ ގޮތުން ސީދާ ދާއިރާގެ ތައުލީމާއި ތަޖުރިބާ ހުރި ބޭފުޅުން ވީ ވަރަކުން ހިމަނާފައިވާނެ ކަމަށް މުއިއްޒު ވިދާޅުވިއެވެ.
އެއިން ކޮންމެ ބޭފުޅަކީ އެ ބޭފުޅަކާ މެދު ޔަގީންކަން އޮތް ތެދުވެރި ބޭފުޅުން ކަމަށާއި ސަރުކާރަކީ ސާފު ސަރުކާރަކަށް ހައްދަވާނެ ކަމަށް މުއިއްޒު ވިދާޅުވިއެވެ. މުއިއްޒު ވިދާޅުވީ ކޮރަޕްޝަނަށް ނޫނެކޭ ބުނާނެ ސަރުކާރެއް ކަމަށާއި ކެބިނެޓްގެ ނުވަތަ އެމްޑީއެއް ވިޔަސް އެ ފަދަ ފުރުސަތެއް ނުދެއްވާނެ ކަމަށް މުއިއްޒު ވިދާޅުވިއެވެ.
މުއިއްޒު ވިދާޅުވީ އެމަނިކުފާނު ނަންގަވާފައިވާ ޓީމުގައި ތިބި އެއްވެސް ބޭފުޅަކު ކޮރަޕްޝަނަށް ފުރުސަތެއް ނުދެއްވާނެ ކަން ޔަގީންވެވަޑައިގަންނަވާ ކަމަށާއިސާފު ދެފުއްފެންނަ ހިންގުންތެރި ގާބިލު ސަރުކާރެއް އެކުލަވާލައްވާނެ ކަމަށެވެ.
