ޕީއެންސީގެ ރިޔާސީ ކެންޑިޑޭޓު، މާލެ ސިޓީގެ މޭޔަރު ޑރ. މުހައްމަދު މުއިއްޒުއަށް ފުވައްމުލަކު ސިޓީއިން ހޫނު މަރުހަބާއެއް ކިޔައިފިއެވެ.
އަންނަ މަހު އޮންނަ ރިޔާސީ އިންތިހާބަށް ކެމްޕެއިން ކުރެއްވުމަށްޓަކައި މިއަދު ހަވީރު މުއިއްޒު ފުވައްމުލަކަށް ވަޑައިގެންފައި ވާއިރު އެ ރަށުގެ ގިނަ އަދަދެއްގެ ރައްޔިތުން ވަނީ މުއިއްޒުގެ އިސްތިގްބާލަށް ނުކުމެފައެވެ. އަދި އޭނާއަށް ވަނީ ރަތް ދޫލައިގެ މަރުހަބާއެއް ކިޔާފައެވެ.
މިރޭ 8:30ގައި ފުވައްމުލަކުގައި މުއިއްޒުގެ ޖަލްސާއެެއް ބޭއްވުމަށް ވެސް ވަނީ ހަމަޖެހިފައެވެ. އެއަށްފަހު އެ ރަށު ދާއިރާގެ ރައީސުންނާއި ސްޓިއަރިން ކޮމިޓީތަކާ ވެސް ބައްދަލު ކުރައްވާނެއެވެ.
ފުވައްމުލަކު ސިޓީއިން މުއިއްޒުއަށް މަރުހަބާ ކިިޔުމަށް ނިކުމެފައިވާ ރައްޔިތުންގެ ކިޔު އެއާޕޯޓްއިން ފެށިގެން އެ ސިޓީގެ ބަނދަރާ ހިސާބަށް އޮތްއިރު އައްޑޫ ސިޓީއިން ވެސް ވަނީ މުއިއްޒުއަށް ހޫނު މަރުހަބާއެއް ކިޔާފައެވެ.
ފުވައްމުލަކު ދަތުރަށްފަހު މުއިއްޒު ދެން ވަޑައިގަތުމަށް ހަމަޖެހިފައިވަނީ ގދ އަދި ގއ އަތޮޅުގެ ބައެއް ރަށްތަކަށެވެ. އަދި އެއަށްފަހު ވަޑައިގަންނަވާނީ ރ، ބ، އަދި ޅ އަތޮޅުގެ ރަށްތަކަށެވެ.
ފުވައްމުލަކު ކުދިން އެއްބަސްވީ ޑރ މުއިއްޒު ހޮވާނެ ކަމަށް އެހެން ވީމަ ކެޑިޑެންސީނަމްބަރު ވެސް ހިފަހައްޓާގެން ތިބި ތަން ފެނުނީ . ވައުދެއް އެވެވުނީ . އަހަރުމެން ގެ ތެރެއިން ގިނަ ރައްޔިތުން ތިބޭނީ އެކަމަށް އެއްބަސް ވެގެން . އިންޝާﷲ އެއްބުރުން ޑރ މުއިއްޒު ހޮވޭނީ . އަސްލު ހޮވަން ނުޖެހެނެ ސަބަބެއްވެސް ނެތް . ވައުދުތައް ހުރީ ހުރިހާރައްޔިތުން ގެ އަސާސީ ހައްޤު ތަކާ ގުޅިފަ . އަދި އެއްވެސް ރައްޔިތަކު ތަފާތު ކުރުމެއް ނެތި .