ޕާކިން ޖޫރިމަނާ ކޮށްފައިވާ ހުރިހާ ރައްޔިތުންގެ ކިބައިން އެ ޖޫރިމަނާ މާފުކޮށްދެއްވާނެ ކަމަށް ޕީއެންސީގެ ރިޔާސީ ކެންޑިޑޭޓު އަދި މާލެ ސިޓީގެ މޭޔަރު ޑރ. މުހައްމަދު މުއިއްޒު ވިދާޅުވެއްޖެއެވެ.
މުއިއްޒު ވިދާޅުވީ މި ސަރުކާރުން މާލޭގައި ޕާކު ކުރާނެ ޖާގައެއް ނުވަތަ އިމާރާތެއް ހެދުމަށް ހުއްދަ ނުތީ އޮތް ކަމަށާއި ޕާކް ކުރުމުގެ މައްސަލައަކީ ހައްލު ހޯދޭނެ މައްސަލައެއް ކަމަށް ވި ނަމަވެސް އެކަމަށް ހައްލު ހޯދާ ނުދީ ޖޫރިނަމާ ކުރަމުން ދާ ކަމަށެވެ.
މި ސަރުކާރަށް އެންމެ ގިނައިން އާމްދަނީ ލިބޭ އެއް ކަމަކީ ޖޫރިމަނާ ފައިސާކަން ފާހަގަ ކުރައްވާ މުއިއްޒު ވިދާޅުވީ ޖޫރިމަނާ ހޯދުމަށް ބެޖެޓުގައި ޖަހާފައި އޮންނަ ކަމަށެވެ. އަދި މި ސަރުކާރުގެ ސިޔާސަތުގެ ތެރޭގައި ޕާކު ކުރާނެ ތަނެއް ނުދައްކާ ޖޫރިމަނާ ނުކުރާނެ ކަމަށް ބުނެފައި ވާއިރު ޕާކިން ސްޓިކާ ޖަހައިގެން ކޮށްފައިވާ ޖޫރިމަނާ ތަކަކީ އިންސާފުވެރި ކެމެއް ނޫން ކަމަށާއި އެހެންކަމުން ޕާކިން ޖޫރިމަނާ އެކޮށް މާފު ކޮށްދެއްވާނެ ކަމަށް އޭނާ ވިދާޅުވިއެވެ.
ސިޓީ ކައުންސިލުން ޕާކިން ބިލްޑިންތަކެއް އަޅަން އުޅުމުން އެކަން ހުއްޓުވާފައިވާ ކަމަށާއި ވެރިކަން ލިބިވަޑައިގެންފިނަމަ މިހާރުވެސް ޕްލޭންކޮށް ކުރިއަށް ގެންދެވޭނެ ހުރިހާ ގޮތެއް ނިންމާފައިވާ އެ މަޝްރޫއާ އެއްގޮތަށް މާލޭގެ އެކި ސަރަހައްދުތަކުގައި ބުރިބުރިއަށް ހުންނަ ޕާކިން ބިލްޑިންތައް އަޅައިދޭނެ ކަމަށް މުއިއްޒު ވަނީ ވިދާޅުވެފައެވެ. އެގޮތުން އަޅާ ޕާކިން ބިލްޑިންތަކުން ހުރިހާ ޓެކްސީތަކުގެ އިތުރުން ވަންނަ ޕްރައިވެޓް ކާރުތަކާއި ސައިކަލުތަކަށް ވެސް ޖާގަ ލިބޭނެ ކަމަށް އޭނާ ވިދާޅުވިއެވެ.
މުއިއްޒު އިތުރަށް ވިދާޅުވީ 6 ސަރަހައްދެއްގައި ޕާކިން ބިލްޑިން އަޅަން ޕްލޭން ކުރެވިފައި ވާއިރު ހުޅުމާލޭގައި ބޮޑު ސަރަހައްދެއް އެކަމަށް ޕްލޭން ކުރެވިފައި އޮތް ކަމަށެވެ. ނަމަވެސް ސަރުކާރުން އެކަން ހުއްޓުވާފައި ވާ ކަމަށާއި މާލެ އަދި ހުޅުމާލޭގައި ޕާކިން ބިލްޑިންތައް އަޅައި މާލޭގެ ޕާކިން މައްސަލައަށް ދާއިމީ ހައްލެއް ގެނެސްދެއްވާނެ ކަމަށްވެސް ވިދާޅުވިއެވެ.
ޕާކިން ބިލްޑިންތައް އެޅުމުން ގަރާޖު ސީޓީއަށް ސަލާން ޖެހުން ހުއްޓުވޭނެ ކަމަށާއި އާންމުންގެ ގޭގައި ޕާކު ކުރަން ޖާގަ ދައްކަންޖެހޭ ގޮތަށް މިހާރު ޓްރާންސްޕޯޓް މިނިސްޓްރީ އިން ގެންގުޅޭ ދެކޮޅު ނުޖެހޭ ސިޔާސަތުގެ ދަށުން ބޮޑު އަގު ދީފައި ގަރާޖު ސިޓީ ހޯދަން ޖެހޭ ޖެހުމަށް ދާއިމީ ގޮތެއްގައި ހައްލު ލިބިގެންދާނެ ކަމަށް ވެސް މުއިއްޒު ވަނީ ވިދާޅުވެފައެވެ
ހަމައެކަނި ޕާކިން ޖޫރިމަނާ މާފުކުރީމަ ރަގަޅެށްނޫ ފްލެޓްތަކުގެ ކުލި ނުދެއްކި ތިބި މީހުންގެ ކުއްޔާއި ޖޫރިމަނާގެ ހައްލަކީ އެވެސް މާފުކޮށްދޭވީނު