ބޮލީވުޑްގެ ކުޅަދާނަ ދެތަރިން ކަމަށްވާ ދީޕިކާ ޕަޑުކޯން އާއި ރިތިކް ރޯޝަން އޮން ސްކްރީނުން ފެނިގެންދާ ފުރަތަމަ ފިލްމު "ފައިޓާ"ގެ ފަސްޓްލުކް ދައްކާލައިފިއެވެ.
އިއްޔެ އިންޑިއާގެ 76 މިނިވަން ދުވަހާ ގުޅިގެން މި ފިލްމުގެ ފަސްޓްލުކް ދައްކާލައިފައި ވާއިރު ފިލްމުގެ ތަރިން ތިބީ އަސްކަރީ ޔުނިފޯމްގައެވެ. ދީޕިކާ، ރިތިކްގެ އިތުރުން ފިލްމުގެ މުހިއްމު ރޯލަކުން އެކްޓަރު އަނިލް ކަޕޫރު ވެސް ފެނިގެންދާއިރު މި ތިން ތަރިންވެސް ކުޅެނީ އަސްކަރީ ޕައިލެޓުގެ ރޯލުން ފެނިގެން ދާއިރު މި ފިލްމުގެ ފަސްޓްލުކް ދައްކާލިއިރު މޯޝަން ޕޯސްޓަރުވެސް ވަނީ ދައްކާލާފައެވެ.
ފިލްމުގައި މި ތިން ތަރިންގެ އިތުރުން ފެނިގެންދާނެ ތަރިންނަކީ ކަރަން ސިންގް ގްރޯވާ، އަކްޝޭ އޮބެރޯއީ، ސަންޖީދާ ޝެއިހް އަދި ތަލަތު އަޒީޒެވެ. މި ފިލްމު ސިނަމާތަކަށް ގެންނަން ނިންމާފައިވާއިރު މި ފިލްމުގެ ޕްރޮމޯޝަން މަސައްކަތް މި އަހަރު ފަހުކޮޅު ފަށާނެއެވެ. އަންނަ އަހަރުގެ ޖަނަވަރީ މަހު 25 ވަނަ ދުވަހު ސިނަމާތަކަށް ގެންނަ މި ފިލްމަކީ ޖުމްލަ 30.03 މިލިއަން ޑޮލަރުގެ ބަޖެޓަކުން އުފައްދާ ފިލްމެކެވެ. "ވޯ" އަދި "ޕަތާން" ގެނެސްދިން ޑައިރެކްޓަރު ސިދާތު އާނަންދު ޑައިރެކްޓްކޮށް ގެނެސްދޭ މި ފިލްމަކީ މާފްލިކްސް އިން ޕްރޮޑިއުސްކުރާ ފިލްމެކެވެ.
ގިނަ ބަޔަކު މި ފިލްމަށް އިންތިޒާރުކުރަމުން އަންނައިރު، ބެލުންތެރިން އިންތިޒާރުކުރަނީ ދީޕިކާ އާއި ރިތިކްގެ އޮން ސްކްރީން ކެމިސްޓްރީ ބެލުމަށެވެ.
