ބޮލީވުޑްގެ އޭ ލިސްޓު ތަރިންގެ ތެރޭގައި ހިމެނޭ ކުޅަދާނަ ތަރިން ކަމަށްވާ އާލިއާ ބަޓް އާއި ރަންވީރު ސިންހް ލީޑު ރޯލުން ފެނިގެންދާ ފިލްމު "ރޮކީ އޯރް ރާނީ ކީ ޕްރޭމް ކަހާނީ" ގެ ޓީޒާ ދައްކާލައިފިއެވެ.
އަންނަ މަހުގެ 28 ވަނަ ދުވަހު ސިނަމާތަކަށް ގެންނަން ހަމަޖެހިފައިވާ މި ފިލްމަކީ ކަރަން ޖޯހަރުގެ ޑައިރެކްޝަނުގެ ދަށުން ގެނެސްދޭ ރޮމޭންޓިކް ކޮމެޑީ އެކެވެ. ދަރުމާ ޕްރޮޑަކްޝަންގެ ހިޔާވެހިކަމުގެ ދަށުން ގެނެސްދޭ މި ފިލްމުގައި ދެތަރިންގެ އިތުރުން ހަރަކާތްތެރިވާނެ ތަރިންނަކީ ދަރުމެންދަރު، ޖަޔާ ބައްޗަން އަދި ޝަބާނާ އާޒްމީ އެވެ.
ބޮލީވުޑްގެ ރިޕޯޓްތައް ބުނާގޮތުގައި މި ފިލްމުގައި ރަންވީރު ފެނިގެންދާނީ މުއްސަނދި އާއިލާ އަކަށް އުފަން "ސްޕޮއިލްޑް ދަރި" އެއްގެ ރޯލުން ކަމަށެވެ. އަދި އާލިއާ މި ފިލްމުން ފެނިގެންދާނީ މީހުން ވަރަށް އިހުތިރާމް ކުރާ އާއިލާއަކަށް ނިސްބަތްވާ ވަރަށް މަޑުމައިތިރި ޒުވާނެއްގެ ރޯލުންނެވެ. ޒަމާންތަކަކަށްފަހު އާލިއާ އާއި ރަންވީރު އެކުގައި ސްކްރީނުން ފެނިގެންދާ ހަބަރާއެކު ދެތަރިންގެ ފޭނުން ތިބީ ފިލްމު ބަލަން ކެތްމަދުވެފައެވެ. މި ދެތަރިންނަކީ އޮން ސްކްރީނުގައި ވަރަށް ކެމިސްޓްރީ ދިމާވާ ޖޯޑެއް ކަމަށް ވެސް ގިނަ ބަޔަކު ބުނެއެވެ.
އާލިއާ އާއި ރަންވީރު އަތުގައި މިވަގުތު ގިނަ ޕްރޮޖެކްޓްތަކެއް އޮތް އިރު ދެމީހުން އެކުގައި އެއްކޮށް ކުޅުނު ފުރަތަމަ ފިލްމަކީ "ގަލީ ބޯއި" އެވެ. 2019 ވަނަ އަހަރު ރިލީޒްކުރި މި ފިލްމު ވަނީ އަހަރުގެ އެންމެ މޮޅު ފިލްމުގެ އެވޯޑުވެސް ހޯދާފައެވެ.
ޓީޒާ ކޮބާތަ މަމެންނަށް ސަޅި ކަމެއް އެނގޭނީ ފެނުނީމަތާ