ގއ. ދާންދޫ ޕޮލިސް ސްޓޭޝަނުގެ ބެލުމުގެ ދަށުގައި ހުއްޓާ ފިލި މީހާ ފެނިފައިވާ ކަމަށް ފުލުހުން ބުނެފިއެވެ.

މަސްތުވާތަކެތީގެ މައްސަލައެއްގައި ރޭ ދާންދޫ ޕޮލިސް ސްޓޭޝަނަށް ގެންގޮސްފައި ހުރި މީހަކު 12:57 ހާއިރު ފިލާފައި ވާ ކަމަށް ފުލުހުން މިއަދު ވަނީ ބުނެފައެވެ.

ފުލުހުން ދެންމެ ބުނީ، ހޯދަމުން ދިޔައީ 49 އަހަރުގެ ދިވެހި ފިރިހެނެއް ކަމަށާއި މިހާރު އެމީހާ ހޯދާ ފުލުހުންގެ ބެލުމުގެ ދަށަށް ގެންގޮސްފައިވާ ކަމަށެވެ. އެމީހާ ފުލުހުންގެ ބެލުމުގެ ދަށަށް ގެނައި ނަމަވެސް އެމީހާ ފެނިފައިވަނީ ކޮންތާނުން ކަމެއް ފުލުހުން ހާމަކޮށްފައެއް ނުވެއެވެ.

https://thepress.mv/144356

މި މަހުގެ 06 ވަނަ ދުވަހު އއ. ރަސްދޫ ޕޮލިސް ސްޓޭޝަނުގެ ގޮޅިއެއްގައި ބަންދުގައި ހުރި މީހަކު ފިލާފައި ވާއިރު އޭނާ ފެނުނީ ރަސްދޫ ކައިރީގައި އޮންނަ ރަށެއްގެ ފަޅުތެރެއިންނެވެ.

މި މީހާ ފިލި މައްސަލައިގައި ފުލުހުންނަށް ގިނަ ފާޑުކިޔުންތަކެއް އަމާޒުވެފަ އިވާއިރު އޭރު ފުލުހުން ވަނީ އާންމުންގެ ހިތްތަކުގައި ބިރުވެރިކަން އުފެދޭ ގޮތަށް ސައްހަނޫން ދޮގު މައުލޫމާތު ސޯޝަލް މީޑިއާ ޕްލެޓްފޯމުތަކުގައި ނުފެތުރުމަށް ވެސް އިލްތިމާސް ކޮށްފައެވެ.