އަންނަ ސެޕްޓެމްބަރު މަހު 9 ވަނަ ދުވަހު ބޭއްވުމަށް ހަމަޖެހިފައިވާ ރިޔާސީ އިންތިހާބަށް އެމްޑީޕީގެ ފަރާތުން ވާދަކުރާނެ ކެންޑިޑޭޓަކު ކަނޑައެޅުމަށް އެމްޑީޕީގެ އެތެރޭގެ ރިޔާސީ ޕްރިމަރީގެ ވޯޓުލުން މިއަދު 9 ޖެހި އިރު ފަށައިފިއެވެ. މި ޕްރިމަރީގައި ވާދަ ކުރައްވަނީ ޕާޓީގެ އެންމެ އިސް ލީޑަރު އަދި ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހާއި، ޕާޓީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދެވެ.

މަހެއްހާ ދުވަހަށް ދެމިގެން ދިޔަ ވާދަވެރި ކެންޕެއިނަކަށް ފަހު، މިއަދު ވޯޓުލައި ކެންޑިޑޭޓަކު ހޮވާނެވެ.

ވޯޓުލުން މާލެއާއި އަތޮޅުތެރޭގެ މީހުން ދިރިއުޅޭ ހުރިހާ ރަށެއްގައި ކުރިއަށް ދާއިރު، މި އިންތިހާބުގައި 57،255 މެންބަރުންނަށް ވޯޓުލުމުގެ ހައްގު ލިބިފައި ވެއެވެ. އަދި މާލެއާއި އަތޮޅުތައް ހިމެނޭހެން 214 މަރުކަޒެއްގައި 282 ވޯޓުފޮށި ބަހައްޓާފައިވެއެވެ. އެގޮތުން މާލޭގަައި 19 މަރުކަޒެއްގައި 87 ވޯޓު ފޮއްޓެއް ބަހައްޓާފައި ވާއިރު އަތޮޅު ތެރޭގައި 195 މަރުކަޒެއްގައި 195 ވޯޓު ފޮއްޓެއް ބައްޓާފައި ވެއެވެ.

އިތުރަށް ވިދާޅުވޭ...