އަލަމްގިރި ވީޑިއޯތައް ބޭނުންކޮށް ބްލެކްމެއިލް ކުރި މައްސަލާގައި ހައްޔަރުކުރި ހަމްދޫންގެ ބަންދުގެ މުއްދަތު އިތުުރުކޮށްފިއެވެ.
ފުލުހުން ބުނީ އެއް ޖިންސުން ގުޅުން ހިންގާ މަންޒަރު ރެކޯޑްކޮށް އެ ވީޑިއޯތައް ލީކު ކޮށްލާނެ ކަމަށް ބުނެ ބިރުދައްކައި ބުލެކްމެއިލް ކޮށްގެން ބޮޑެތި އަދަދުތަކުން ފައިސާ ދިނުމަށް ޑިމާންޑްކޮށް އަދި ރެކޯޑް ކޮށްފައިވާ ބައެއް ވީޑިއޯތައް އާންމުކޮށްފައިވާ މައްސަލައާ ގުޅިގެން މިހާތަނަށް ޖުމުލަ ފަސް މީހަކު ހައްޔަރުކޮށްފައިވާ ކަމަށެވެ.
އެމީހުންގެ ތެރެއިން ދެ މީހަކު ކޯޓަށް ހާޒިރު ކުރުމުން ބަންދުގައި ބަހައްޓަން ޖެހޭ ސަބަބެއް ނެތްކަމަށް ނިންމައި ކޯޓުން ދޫކޮށްލައިފައިވާއިރު ފުލުހުން ވަނަވަރު އާންމުކުރި ތިން މީހުންގެ ތެރެއިން މައުމޫން މޫސާ (41އ) ވަނީ ދޫކޮށްލާފައެވެ.
ހަމްދޫންގެ ބަންދަށް 15 ދުވަހުގެ މުއްދަތެއް ފުރަތަމަ ޖަހާފައިވާއިރު އިއްޔެ އެ މުއްދަތު ހަމަވެގެން އަނެއްކާ ވަނީ 15 ދުވަހުގެ މުއްދަތެއް ޖަހާފައެވެ.
މިހާރު އެ މައްސަލާގައި ހައްޔަރުކުރި މީހުންގެ ތެރެއިން ބަންދުގައި ތިބީ ހަމްދޫނާއި މިހާދެވެ.
ހަމްދޫނަކީ އަމްގިރިއަށް ވަޒީފާދީ މާލޭގައި އުޅެމުންދިޔަ ގޭގައި އޭނާއާ ހަވާލުވެގެން ހުރި މީހާއަށްވާއިރު މިހާދަނީ ހަމްދޫގެ ދައްތަގެ ދަރިއެއް ކަމަށް އަލަމްގިރީގެ ލީކުވި ބަޔާނުގައި ވަނީ ފާހަގަކޮށްފައެވެ.
މައުލޫމާތު ލިބިފައިވާ ގޮތުގައި މީނާ ވަނީ ނާޒިމް އަތުން 12 ހާސް އަތުލާފައި. ޢަދި މިމައްސަލައިގައި އުޅޭ އާދައިގެ މީހެއް އަތުން 1 ލައްކަ އަތުލި. ޢޭނާ އެފައިސާ ނެގީ ލުއިލޯނަކަށް. ނަމަވެސް ފައިސާ އަތުލާފަވެސް ދިނީ ދޯކާ. ޢަދި ކާނަލް ނަޝީދުގެ އަތުންވެސް 2 މިލިއަން ރުފިޔާ ހޯދިކަމަށް އަޑު އިވެނީ.