ފުލުހަކަށް ބިރު ދައްކައި އިންޒާރު ދިން މައްސަލައެއްގައި މީގެ ކުރިން ހައްޔަރުކޮށް، އޭނާ ހައްޔަރުކުރުމުގައި ފުލުހުން ގޯސް ހަދާފައިވާ ކަމަށް ބުނެ ކްރިމިނަލް ކޯޓުން ދޫކޮށްލި މީހަކު ހޯދާ ހައްޔަރު ކޮށްފިއެވެ.
ސީރިއަސް އެންޑް އޯގަނައިޒްޑް ކްރައިމް ޑިޕާޓްމަންޓުން ތަހުގީގު ކުރަމުންދާ މާފަންނު ޕޮލިސް ސްޓޭޝަނަށްވަދެ ފުލުހަކަށް ބިރުދައްކައި އިންޒާރު ދިން މައްސަލައާ ގުޅިގެން ކ. މާލެ، ހުޅުމާލެ، ގޯތި ނަންބަރު 11399، މުހައްމަދު އަޒުހާނު އިސްމާއީލް (31އ)އެވެ.
އަޒުހާންގެ ބަންދާމެދު ގޮތެއް ނިންމުމަށް ކްރިމިނަލް ކޯޓަށް ހާޒިރު ކުރުމުން ވަނީ ހައްޔަރުކުރީ އިޖުރާއަތްތަކާ ހިލާފަށް ކަމަށް ބުނެ، ހައްޔަރުކުރީ ކުށުގެ ވެށިން ނޫން ކަމަށާއި އެ ގޮތަށް ހައްޔަރުކުރަން ކޯޓު އަމުރެއް ބޭނުން ވާނެ ކަމަށް ވަނީ ފާހަގަކޮށްފައެވެ.
ފުލުހުން ހެދި ގޯހަކުން އަޒުހާން މިނިވަންވިއިރު އޭނާ ހައްޔަރުކުރި ދުވަހު ކޮމިޝަނާ އޮފް ޕޮލިސް މުހައްމަދު ހަމީދު ވަނީ މި އަމަލު ހިންގި މީހުންނަށް ފިޔަވަޅު އަޅާނެ ކަމުގެ އިންޒާރު ދެއްވާފައެވެ.
ފުލުހުންވެސް ކޯޓައް އެއްބާރުލުން ނުދީ، މީހަކު ހޯދަން ބުންޔަސް އެމީހާކުރިމަތިން ދާއިރުވެސް ނުފެންނަ ކަމަށް ހަދާ