ހަނިމާދޫ އެއާޕޯޓުގެ ސްޓާފުންގެ ޗެކިން އެއް ހިގަމުން ދިޔަ އިރު "ރަނގަޅަށް ޗެކް ކުރައްޗޭ ފިސްތޯލައެއް އެބަ އޮތޭ" ބުނުމުން އިއްޔެ ހައްޔަރުކުރި މުވައްޒަފު ދޫކޮށްލައިފިއެވެ.
މިމައްސަލާގައި ހައްޔަރުކޮށްފައި ވަނީ އުމުރުން 37 އަހަރުގެ ދިވެހި ފިރިހެނެކެވެ.
ފުލުހުން ބުނީ އޭނާ ފުލުހުންގެ ބެލުމުގެ ދަށަށް ގެންދިޔައީ އެއާޕޯޓުގެ ރައްކާތެރިކަން ކުޑަވާ ގޮތަށް އެ މީހާގެ ބަސްމަގު ހުރުމުން ކަމަށެވެ.
އެ މައްސަލައިގައި ސުވާލުކުރުމަށް ފަހު އޭނާ މިހާރު ދޫކޮށްލާފައިވާ ކަމަށް ފުލުހުން ވަނީ ބުނެފައެވެ.
އެ މުވައްފު ހައްޔަރުކޮށްފައި ވަނީ ރައީސް އިބްރާހިމް މުހައްމަދު ސޯލިހު ދަތުރު ކުރެއްވި ފްލައިޓް އިއްޔެ ހަނިމާދުއަށް ޖައްސަން ކައިރި ވެފައި ވަނިކޮށް ކުރިއަަށް ދިޔަ، އޮޕަރޭޝަން ސައިޓުގައި މަސައްކަތް ކުރާ މުވައްޒަފުންގެ ހަށިގަނޑު ޗެކް ކުރަނިކޮށް އޭނާ އަތުގައި ފިސްތޯލެއް އޮތް ކަމަށް ބުނުމުންނެވެ.
މައުލޫމާތު ލިބޭ ގޮތުން، އެ މުވައްޒަފަކު އެހެން ބުނީ މަޖަލަކަށް ކަމަށް ވެއެވެ.
ހުއްދަ ނެތް ފަރާތްތަކުން ހަތިޔާރާއި އެނޫންވެސް އެބާވަތުގެ މަނާ ކޮށްފައި ވާ އެއްޗެއް ގެންގުޅުންވެސް އަދި އޮތް ކަމަށް ބުނުމަކީވެސް މަނާ ކަމެކެވެ.
ޚީއްވެ ދޫކުރީ