މިދިޔަ މަހު 22 ވަނަ ދުވަހުގެ ރޭ މާލޭގައި މީހެއްގެ ބޮލުގައި ކޯރާޑިއަކުން ޖަހައި ޒަހަމްކޮށްލި މައްސަލައާ ގުޅިގެން މީހަކު ހައްޔަރުކޮށްފިއެވެ.
"ދަ ޕްރެސް" އަށް މައުލޫމާތު ދެއްވަމުން ފުލުހުންގެ މީޑިއާ އޮފިޝަލް ވިދާޅުވީ، އެ މައްސަލަ އާ ގުޅިގެން އިއްޔެ އުމުރުން 28 އަހަރުގެ ބަންގްލަދޭޝް ފިރިހެނެެއް ހައްޔަރުކޮށްފައިވާ ކަމަށެވެ.
އެމީހާގެ ބަންދާ މެދު ގޮތެއް ނިންމަން މިއަދު ކޯޓަށް ހާޒިރުކުރުމުން ޝަރީއަތް ނިމެންދެން ބަންދުކުރުމަށް ކޯޓުން ނިންމައިފައިވާކަމަށް އޮފިޝަލް ވިދާޅުވިއެވެ.
މި މައްސަލާގައި މީގެ ކުރިން ފުލުހުން ބުނެފައި ވަނީ ކޯރާޑިން ޖަހައި ޒަހަމްވެފައި ވަނީ ގެއަކަށް ވައްކަން ކުރަން ވަން ބިދޭސީ މީހާ އަށް ކަމަށެވެ. ނަމަވެސް ފަހުން ފުލުހުން ވަނީ މި މައްސަލައިގައި އަނިޔާ ލިބުނު ބިދޭސީ އަކީ އެ ގެއަށް ވަދެ ވައްކަން ކުރަން އުޅުނު މީހަކު ހިފަހައްޓަން އުޅުނު މީހާ ކަމަށެވެ.
މިމައްސަލަ އާ ގުޅިގެން ބަލަން ޖެހޭ ކަންކަން ބަލަމުންދާ ކަމަށް ފުލުހުން ބުނެއެވެ.
މައުލޫމާތު ލިބިފައިވާ ގޮތުގައި ކޯރާޑިން ޖަހައި، ބިދޭސީ މީހާގެ ބޯ ވަނީ ވަރަށް ބޮޑަށް ފަޅާލައިފައެވެ.
