ފުލުހުންގެ ސީރިއަސް އެންޑް އޮގަނައިޒްޑް ކްރައިމް ޑިޕާޓްމަންޓުން ތަހުގީގު ކުރަމުންދާ، ގްރޫޕް ހަދައިގެން ތޫނު ހަތިޔާރު ބޭނުންކޮށްގެން މާރާމާރީ ހިންގި މައްސަލައަކާ ގުޅިގެން ހަތް މީހަކު ހޯދުމުގެ މަސައްކަތް ފުލުހުން ފަށައިފިއެވެ.

އެ މައްސަލައާ ގުޅިގެން ފޮޓޯ އާންމުކޮށް ފުލުހުން ހޯދާ 7 މީހުންނަކީ:

  • މައުސޫމް މުހައްމަދު ދީދީ (27އ)، ދަފްތަރު ނަންބަރު ރސ2260، ކ.މާލެ
  • އަހުމަދު ޝިމްހާޒު (22އ) ސީނުގެ، ތ. ތިމަރަފުށި
  • ލޫތު އަހުމަދު އާސިފް (18އ) މ. ލޮނުމިދިލިގެ، ކ. މާލެ
  • އަހުމަދު ރަބީއު (24އ) ލޭނޫރަންމާގެ، ގއ. މާމެންދޫ
  • އަހުމަދު ނާޒިހު (27އ) ކެނެރީގެ، ގއ. ގެމަނަފުށި
  • މުނާދު ޖައުފަރު (20އ) ނާދީ، ސ. ހުޅުދޫ
  • އަހުމަދު ސާތިއު (21އ) ކޮރަލް، ސ. މަރަދޫ

އެ މީހުންނާ ބެހޭ އެއްވެސް މައުލޫމާތެއް އެނގޭ މީހެއް ހުރިނަމަ ފުލުހުންގެ ހޮޓްލައިން ނަންބަރު 3322111 އަށް ނުވަތަ ސީރިއަސް އެންޑް އޮގަނައިޒްޑް ކްރައިމް ޑިޕާޓްމަންޓްގެ ނަންބަރު 9911099 އަށް ގުޅުއްވައި ހިއްސާކުރުމަށް ފުލުހުން ވަނީ އެދިފައެވެ.

މާރާމާރީއަކާ ގުޅިގެން ފުލުހުން ބަޔަކު ހޯދަމުންދާއިރު ރޭ ހުޅުމާލޭގައި ދެ މާރާމާރީއެއް ވަނީ ހިނގާފައެވެ. އެ މާރާމާރީތަކާ ގުޅިގެން 5 މީހަކު ފުލުހުންގެ ބެލުމުގެ ދަށަށް ގެންގޮސްފައިވާއިރު މި މަހުގެ 2 ވަނަ ދުވަހު މާލޭގެ ދެ ސަރަހައްދެއްގައިވެސް ވަނީ ދެ މާރާމާރިއެއް ހިނގާފައެވެެ.

ހަބަރު ޕޮލިސް ޖިސްމާނީ އަނިޔާ