ހުޅުމާލޭގައި މިރޭ ދެ މާރާމާރީ ހިންގާ ބަޔަކު ޒަހަމްވެއްޖެއެވެ.
ފުލުހުން ބުނީ ހުޅުމާލޭގައި ދެ މާރާމާރީއެއް ހިނގާފައިވާ ކަމުގެ މައުލޫމާތު ލިބިފައިވާ ކަމަށާއި ފުރަތަމަ މާރާމާރީ ހިނގައިފާވަނީ ހުޅުމާލެ ފޭސް އެކެއްގެ ލަޔާ ރެސްޓޯރެންޓް ކައިރި ކަމަށެވެ. އަދި އެ މާރާމާރީގެ މައުލޫމާތު ފުލުހުންނަށް ލިބިފައިވަނީ މިރޭ ގާތްގަނޑަކަށް 9:17 ހާއިރު ކަމަށް ފުލުހުން ބުނެއެވެ.
މިރޭގެ ދެވަނަ މާރާމާރީ ހިނގައިފާ ވަނީ ހުޅުމާލެ ފޭސް ދޭ ގެ ބްރިޖް ކައިރި ކަމަށާއި އެ މާރާމާރީގެ މައުލޫމާތު ފުލުހުންނަށް ލިބިފައިވަނީ މިރޭ 9:32 ހާއިރެވެ.
ފުލުހުން ބުނީ އެ މާރާމާރީގައި ދެ މީހަކަށް އަނިޔާވެފައިވާ ކަމަށާއި އެ ދެ މީހުންނަށް ހޮސްޕިޓަލުގައި ފަރުވާ ދެމުން އަންނަ ކަމަށެވެ. ފުލުހުން އަންނަނީ އެ ދެ މާރާމާރީގެ މައްސަލަ އިތުރަށް ތަހުގީގުކުރަމުންނެވެ.
މި މަހުގެ 2 ވަނަ ދުވަހު މާލޭގައި ވެސް ވަނީ ދެ މާރާމާރީއެއް ހިނގާފައެވެ. އެގޮތުން އެއް މާރާމާރީ މާވެޔޮ މިސްކިތް ކައިރީ ހިނގައިފާވާއިރު އަނެއް މާރާމާރީ ހިނގައިފާވަނީ މަޖީދީމަގާއި ޖަނަވަރީ މަގު ގުޅޭ ހިސާބުގައެވެ.
