ހދ. ކުޅުދުއްފުށީގައި ހުންނަ އެ ރީޖަންގެ އެންމެ ބޮޑު ހޮސްޕިޓަލްގެ ކްލިނިކަލް ހެޑާއި ޑެޕިއުޓީ އެ މަގާމުތަކުން އިސްތިއުފާ ދެއްވަފިއެވެ.
"ދަ ޕްރެސް" އަށް އެނގިފައި ވާ ގޮތުން، އެ ދެބޭފުޅުން އެކުގައި އިސްތިއުފާ ދެއްވީ، ހޮސްޕިޓަލްގެ ހިންގުން ބޯޑެއްގެ ދަށަށް ބަދަލު ކުރިތާ އަހަރެއް ވީ އިރުވެސް ހޮސްޕިޓަލަށް މެޑިކަލް ޑިރެކްޓަރަކު އައްޔަން ކޮށްފައި ނުވާތީއެވެ.
ޖެނުއަރީ 20، 2021 ގައި ރައީސް އިބްރާހިމް މުހައްމަދު ސޯލިހު އެކަށައެޅުއްވި އެ ހޮސްޕިޓަލްގެ ބޯޓުގައި 6 މެންބަރުން ތިއްބަވައެވެ.
ކްލިނިކަލް ހެޑް ޑރ. މުހައްމަދު ފައިސަލް އާއި ޑެޕިއުޓީ ހެޑް ޑރ. މުހައްމަދު ނަޒީފު އިސްތިއުފާ ދެއްވި ސަބަބު ހާމަ ކުރައްވަމުން ދެ ބޭފުޅުން ވިދާޅުވީ، ކުޅުދުއްފުށީ ރީޖަނަލް ހޮސްޕިޓަލަކީ، 65،000 އެއްހާ މީހުންގެ އާބާދީއަކަށް ހިދުމަތް ދޭން ހުރި ހޮސްޕިޓަލަކަށް ވާއިރު، އެ ހޮސްޕިޓަލުގައި މެޑިކަލް ޑިރެކްޓަރެއް ނެތުމަކީ ކަންބޮޑުވާ ކަމެއް ކަމަށެވެ. އަދި އެ ކަންބޮޑުވުން، ހޮސްޕިޓަލްގެ ބޯޑު އުފެދުނީއްސުރެ މެނޭޖްމަންޓާ ހިއްސާ ކުރައްވާ ކަމަށާއި، މިއަދާ ހަމައަށްވެސް "މަގާމު އުފެއްދުމުގައި" ތިބީ ކަމަށެވެ.
މި ކަމާ ގުޅިގެން އެ ހޮސްޕިޓަލްގެ ޑެޕިއުޓީ ސީއީއޯ އަހުމަދު ދާއޫދު ވިދާޅުވީ، ހޮސްޕިޓަލްގެ އާ ބޯޑު އުފެދި، އޮނިގަނޑަށް ކަންކަން ފެއްތުމުގެ މަސައްކަތް ކުރަމުން ދާ ކަމަށާއި، މެޑިކަލް ޑިރެކްޓަރުގެ މަގާމަށް މީހަކު ހަމަޖައްސަން މިހާރުވެސް އެދިފައި ވާ ކަމަށެވެ.
އަދި އެ މަގާމަށް މީހަކު ހޯދުމަށް އިއުލާން ކުރާން އޮތީވެސް، ހޮސްޕިޓަލްގެ މުވައްޒަފުންގެ ތެރެއިން އެމަގާމަށް ޝައުގުވެރި ގާބިލު މީހުންނަށްވެސް ކުރިމަތި ލެވޭ ގޮތަށް ކަމަށްވެސް އޭނާ ވިދާޅުވިއެވެ.
މަގާމުގެ ޒިންމާތަކުން އިސްތިއުފާ ދެއްވި ދެ ބޭފުޅުންނަކީ މިހާރުވެސް އެ ހޮސްޕިޓަލުގެ ދެ ޑޮކްޓަރުންނެވެ. އެ ބޭފުޅުން މިހާތަނަށް ހަވާލުވެ ހުންނެވި 2 މަގާމަކީ، އެ ހޮސްޕިޓަލުގެ އެހެން ޑިޕާޓުމަންޓްތަކާ އެއް ގޮތަށް އެޗްއޯޑީންނަށް ވަކި އެލަވަންސެއް ލިބޭ މަގާމުތަކެއް ނޫނެވެ.
ކުޅުދުއްފުށީ ރީޖަނަލް ހޮސްޕިޓަލަކީ، ހއ، ހދ، ށ އަތޮޅުގެ އިތުރުން ނ ހިސާބުންވެސް މީހުން ޑޮކްޓަރަށް ދައްކަން ދާ ސަރަހައްދީ އެންމެ ބޮޑު އެއް ހޮސްޕިޓަލެވެ. އެ ހޮސްޕިޓަލުގެ ކްލިނިކަލް ހެޑާއި ޑެޕިއުޓީ ހެޑް އިސްތިއުފާ ދެއްވި ނަމަވެސް ހޮސްޕިޓަލްގެ ކްލިނިކަލް ސައިޑްގެ މަސައްކަތްތައް ބަރާބަރަށް ހިނގަމުން ދާ ކަމަށް ހޮސްޕިޓަލުން ވަނީ ބުނެފައެވެ.
ތިޔަ ބުނާ ބޯޑެއް ވެސް މަށެއް ނުދެކެން. ކަމެއް ކުރާނެ ބައެއް ނަމަ ކުރީސް. ވަޒީފާ ގެއްލި ދާނެތީ ބިރުން ކަމެއް ނުވާ ބައެއް. ދިރާގު ހިންގާހެން ފޭސްބުކް ޕޭޖު ހިންގާފަ، ހިންގުންތެރި ކަމެއް ނެތް ލެބް ޓެކް އެއް ޒިންމާދާރު ވެރިއަކަށް ލީމަ ވާނީ ތިހެން.
ވަރަށް ރަނގަޅު ނިންމެވުމެއް، ހުރިހާ މަސައްކަތެއް ދެމީހުން ކުރަންވީ ހުރިހާ ކުރެޑިޓެއް ޑެޕިއުޓި ސީއޯ އާ ޗެއަރމަން ނަގަންވީ
މި 2 ބޭފުޅުން ވެގެން ތަން ހަލާކު ކޮށްފަ ކުލިިނިކު ހިންގޭތޯ ބަލަނީ. ސަރުކާރާ ދެކޮޅު ވިޔަސް ބޮޑުވަރު…
ކޯލް ސެންޓަރެއްގަ ކޯލް ނަގަން އިންގޮލައެއް ޑެޕިއުޓީ ސީއޯއަކަށް ހަދާ ޓީޗަރަކަށް ޢުޅުނު މީހެއް ޗެއަރމަންއަކަށް ހަދާ މުޅިތަން މެމްބަރުގެ ޖަގަހަޔަކަށް ހެދީމަ ތިތަނެއް ނުހިނގާނެ ތަޖުރިބާއެއް ފެންވަރެއް ނެތް މީހުން މެންބަރު ބުނެގެން ދަނީ ކުޅުދުއްފުށީގަ އެންމެ މޮޅަށް ކިޔަވައިގެން ހުރިމީހާ ބޮޑު އިންޓަނޭޝަނަލް ކުންފުންޏެއް ހިންގަމުން ދާމީހަކު ޗެއަރމަން ކަމަށް ސައުގުވެރިކަން ހުށަހެޅި އޭނާ ނުނެގި، ދެން ކީއްކުރާނީ
ކޯލް ސެންޓާގައެއް ނޫން އެންމެ ފަހުން މަސައްކަތް ކުރީ. ދިރާގު ސޭލްސް މެނޭޖާގެ މަގާމުގަ ހުރީ. ކުއްޖައަށް ތަންކޮޅެއް ބޮޑަށް އެނގެނީ