ކޮވިޑް19 ގެ ބަލީގައި 44 އަހަރުގެ މީހަކު މަރުވެއްޖެއެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ބުނީ، މިބަލީގައި ރޭ މަރުވެފައި ވަނީ އުމުރުން 44 އަހަރުގެ ދިވެހި އަންހެނެއް ކަމަށެވެ. އެމީހާ މަރުވެފައި ވަނީ ރޭ ދަންވަރު ގާތްގަނޑަކަށް 3:15 ހާއިރު ކަމަށް އެޗްޕީއޭ އިން ބުނެއެވެ. މި މީހާ މަރުވެފައި ވަނީ ހުޅުމާލެ މިޑިކަލް ފެސިލިޓީގައި ފަރުވާ ދެމުން ދަނިކޮށެވެ.
މިއީ މި މަހު މި ބަލީގައި މަރުވި 8 ވަނަ މީހާއެވެ. މިއާއިއެކު މި ބަލީގައި ރާއްޖެއިން މަރުވި މީހުންގެ އަދަދު ވަނީ 240 އަށް އަރާފައެެވެ.
ރާއްޖެއިން ކޮވިޑް ޖެހިގެން މަރުވި މީހުންގެ އަދަދު 240 އަށް އަރާފައި ވާއިރު، މިދިޔަ އަހަރުގެ ނިޔަލަށް 49 މީހަކު ވަނީ މަރުވެފައެވެ. މި ބަލީގައި މި އަހަރު ވަނީ 191 މީހަކު މަރުވެފައެވެ.
