ޓައިގާ ޝްރޮފްގެ "ހީރޯޕަންތީ 2" އަންނަ އަހަރު އަހަރު ރިލީޒް ކުރުމަށް ތާވަލުކޮށްފައިވާ ކަމަށް ރިޕޯޓްކޮށްފިއެވެ.
މިކަން ނަދިއާޑްވާލާ ގްރޭންޑްސަން އެންޓަޓެއިންމަންޓުން ވެސް ހާމަ ކޮށްފައިވާއިރު މިކަމާ ގުޅިގެން ފިލްމުގެ ލީޑް ރޯލު ކުޅޭ މަޝްހޫރި ފިލްމީ ތަރި ޓައިގާ ޝްރޮފް ވެސް ވަނީ ޓްވީޓެއް ކޮށްފައެވެ.
ޓައިގާގެ ޓްވީޓުގައި ބުނެފައިވަނީ އަންނަ އަހަރުގެ އީދު ދުވަސް ފާހަގަ ކުރާނީ ހުރިހާ އެންމެން އެކުގައި ކަމަށެވެ. މި ފިލްމު އީދާ ދިމާކޮށް ރިލީޒް ކުރުމަށް ނިންމާފައިވާއިރު ރިލީޒް ތާރީހެއްގެ ގޮތުގައި ކަނޑައަޅާފައިވަނީ އަންނަ އަހަރުގެ އޭޕްރިލް މަހުގެ 29 ވަނަ ދުވަހެވެ.
https://twitter.com/iTIGERSHROFF/status/1442515692058824704
ޓައިގާ ޝްރޮފްގެ އިތުރުން މި ފިލްމުގެ ލީޑް ރޯލަކުން ދެން ފެނިގެން ދާނީ ތާރާ ސުތާރިޔާއެވެ.
2014 ވަނަ އަހަރު ޓައިގާ ޝްރޮފް ކުޅެފައިވާ ފިލްމު "ހީރޯޕަންތީ" ގެ މި ސީކުއަލް އަށް ގިނަ ބައެއްގެ ތަރުހީބެއް ލިބޭނެ ކަމަށް ގިނަ ބަޔަކު ބުނަމުންދާއިރު ހީރޯޕަންތީގެ ފުރަތަމަ ބައި ވެސް ވީ އާންމުންގެ މެދުގައި ވަރަށް މަގުބޫލު ފިލްމަކަށެވެ.
