މަކަރާއި ހީލާތުން މީހެއްގެ އަތުން ފައިސާ ނަގާފައިވާ މައްސަލައަކާ ގުޅިގެން ތަހުގީގަށް ސ. މަރަދޫ / ޒީނިޔާ މަންޒިލް، ހައްވާ ސައުޒާ (22އ) އާއި ސ. ހުޅުދޫ / ކޯޒީކޯނަރ، މޫސާ މަނިކު (33އ) ހޯދަން ފުލުހުން އިއުލާން ކޮށްފިއެވެ.
ފުލުހުން ބުނީ، ފުލުހުންގެ ޖެނެރަލް އިންވެސްޓިގޭޝަން ޑިޕާޓްމަންޓުން ތަހުގީގު ކުރަމުންދާ، މަކަރާއި ހީލަތުން މީހެއްގެ އަތުން ފައިސާ ހޯދާފައިވާ ކަމަށް ތުހުމަތު ކުރެވޭ މައްސަލައެއްގެ ތަހުގީގަށް ޝައުޒާ އަދި މޫސާ ހާޒިރު ކުރުމަށް ބޭނުންވެފައިވާ ކަމަށެވެ.
މިހާތަނަށް މި ދެމީހުން އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓް ރައްދުކުރެވިފައި ނުވާތީ އާއި އެމީހުންގެ އާއިލާއަށް ވެސް އުޅޭ ވަކިތަނެއް އެނގިފައި ނުވާތީ، ޖިނާއީ މައްސަލަތައް ތަހުގީގު ކުރުމުގައި ފުލުހުން އަމަލު ކުރާ އިޖުރާއަތުގެ ގަވާއިދުގެ 27 ވަނަ މާއްދާގައި ވާގޮތުގެ މަތިން ޝައުޒާ އާއި މޫސާ ތަހުގީގަށް ހާޒިރުވުމަށް އަންގައި އިއުލާނު ކުރާ ކަމަށް ފުލުހުން ބުނެއެވެ.
މީގެ އިތުރުން ފުލުހުން ބުނީ، ޝަހީދު ހުސައިން އާދަމް ބިލްޑިން އަށް، އަންނަ މަހުގެ ފަސް ވަނަ ދުވަހުގެ މެންދުރު ފަހު 2:00 ގެ ކުރިން މި ދެމީހުން ހާޒިރުވާން އަންގާ ކަމަށެވެ.
