ކޮވިޑް ބަލީގައި ހާލު ބޮޑުވެ ފަރުވާ އަށް ނުގެންދެވި ލަސްވުމުގެ ސަބަބުން މިދުނިޔެއާ ވަކިވި އުމުރުން 10 އަހަރުގެ ފާތިމަތު މިޝްކާ މުހައްމަދު، ލާޖަހާގެ / ހދ. ކުޅުދުއްފުށި ބަލާ އެމްބިއުލާސްން ފޮނުވި ކަމަށް ބުނެ ދޮގުހެދިކަން ރިޕޯޓުން ހާމަ ވެއްޖެއެވެ.

ހާއްސަ އެހީއަށް ބޭނުންވާ މިޝްކާގެ މަރާ ގުޅިގެން ޕްރެޝާ ބޮޑުވެ މިނިސްޓްރީން ކުރި ތަހުގީގަށް ފަހު މިރޭ އާންމު ކުރި ރިޕޯޓުގައި ކަން ހިނގާ ދިޔަ ގޮތް ގަޑިތަކާއެކު ވަނީ ހާމަ ކޮށްފައެވެ.

އެގޮތުން މެއި 31، 2021 ގެ 14:20 ގައި މިޝްކާ ހުންގަދަވެ އެއްޗެއް ނުކެވޭ ކަމާއި ވަރުބަލިވެ ކެއްސާ ވާހަކަ ކޯލް ސެންޓަރަށް ބެލެނިވެރިޔާ އަންގާފައި ވެއެވެ. އޭގެ ފަހުން ބެލެނިވެރިޔާ ދިން މައުލޫމާތަށް ބިނާ ކޮށް ގޭގައި ބޭނުންކުރާ ބޭސް ބޭނުން ކުރުމަށާއި އިތުރު ކަމެއް ދިމާވާނަމަ އެންގުމަށް ބުނެފައި ވެއެވެ.

އަދި އެރޭ ރޭނގަޑު 21:06 ގައި މިޝްކާގެ ހާލު އިތުރަށް ގޯސްވެގެން ޑޮކްޓަރަށް ދައްކަން ބޭނުންވާހަކަ ބެލެވިވެރިން ބުންޏެވެ. އޭރު މިޝްކާއަށް ނޭވާ ނުލެވޭހެން ހީވަ ކަމަށާއި ނޭވާލާން އުނދަގޫވެ އަތް ތެޅުވިކަމަށްވެސް ބުނެފައި ވެއެވެ. އަދި އެރޭ 10 ޖަހަން އުޅެނިކޮށް ޑޮކްޓަރަކު ބެލެނިވެރިންނަށް ގުޅަން މަސައްކަތް ކޮށް ނުގުޅުނު ނަމަވެސް، "އެޓެންޑެޑް" (ގުޅާފައި ވާ) ކަމަށް މައުލޫމާތު ޝީޓުގައި ވަނީ ޖަހާފައެވެ.

ނަމަވެސް އެކަން ކޮށްފައި ނުވާއިރު، ބެލެނިވެރިޔާއަށް މިސްކޯލު ފެނިގެން އަލުން ކޯލްސެންޓަރަށް ގުޅާ ކުއްޖާގެ ހާލަތު އެވަގުތު ކިޔައިދިނުމުން، ކަނޑައަޅާފައި އޮންނަ ނިޒާމުގެ ތެރެއިން އެމްބިއުލާންސް 2 ކްލަސްޓާއަށް އެންގި ނަމަވެސް އެކަން ކޮށްފައެއް ނުވެއެވެ. އެއީ އެރޭގެ 22:39 އެކެވެ.

އަދި އެރޭގެ 23:16 އިން 23:33 އާ ދެމެދު ބެލެނިވެރިން 5 ފަހަރަށް ކޯލް ސެންޓަރަށް ގުޅާފައި ވާ ކަަމށާއި، ކުއްޖާއަށް ނޭވާ ނުވެލި ނޭފަތުން ލޭ އަންނަ ކަމަށްވެސް ބުނެފައި ވެއެވެ. އަދި އެ ކޯލުތަކުގައި ކުއްޖާ ބަލާ ފޮނުވާނެ ކަމަށް ބުނެފައި ވީ ނަމަވެސް ނުފޮނުވައެވެ. އެއާއެކު އެމްބިއުލާންސް ލަސްވެގެން އެރޭގެ 23:27 ގައި ބެލެނިވެރިޔާގެ ފަރާތުން މީހަކު ދަރުވާރުގެއަށް ގޮސްވެސް އެކަން އެންގިއެވެ.

އޭގެ ފަހުން މިޝްކާ ބަލާ އެމްބިއުލާންސް ދިޔައީ އެރޭގެ 23:38 ގައެވެ. \

މިހާދިސާއާ ގުޅިގެން ހެލްތް މިނިސްޓްރީން ބުނީ އެމްބިއުލާސް އެކްޓިވޭޓް ނުކޮށް (ފޮނުވަން ނޫޅެވި) 2 ގަޑިއިރާއި 26 މިނެޓް ހޭދަވެފައި ވާކަމަށެވެ. އަދި އެމްބިއުލާންސްއަށް އެންގިތާ 10 މިނެޓް ތެރޭގައި މިޝްކާ އައިޖީއެމްއެޗަށް ގެންދިޔަ ކަމަށެވެ.

https://thepress.mv/126855

މިޝްކާ މަރުވީ އައިޖީއެމްއެޗްގެ އެމަޖެންސީ ރޫމުގައި ފަރުވާދެމުން ދަނިކޮށް ޖޫން 1، 2021 ދުވަހުގެ 12:10 ހާއިރު އެވެ.

މިޝްކާގެ މަރާ ގުޅިގެން ގިނަ ބައެއްގެ ފާޑުކިޔުން އެޗްޕީއޭއަށާއި ހެލްތް މިނިސްޓްރީއަށް އަމާޒުވެފައި ވާއިރު، މިނިސްޓަރު ކެރަފާ އަހުމަދު ނަސީމުގެ އިސްތިއުފާއަށްވެސް ވަނީ ގޮވާލާފައެވެ. އަދި މިހާރުވެސް އޭނާގެ އިސްތިއުފާއަށް ގޮވާ އަޑު މަޑެއް ނުވެއެވެ.

ހަބަރު ކޮވިޑް19 އެޗްޕީއޭ