ކޮވިޑް ޖެހިގެން އަނެއްކާވެސް މީހަކު މަރުވެއްޖެއެވެ.
ހެލްތް ޕްރޮޓެކްޝަން އޭޖެންސީ (އެޗްޕީއޭ) އިން ބުނީ މިއަދު މެންދުރުފަހު 02:25 ހާއިރު ހުޅުމާލެ މެޑިކަލް ފެސިލިޓީގައި ފަރުވާދެމުން ދިޔަ 78 އަހަރުގެ ދިވެހި ފިރިހެނެއް މަރުވެފައިވާ ކަމަށެވެ. މިއީ ކޮވިޑް ޖެހިގެން ރާއްޖެއިން މަރުވި 136 ވަނަ މީހާއެވެ.
ކޮވިޑް ޖެހިގެން 7 މީހުން މިއަދު މަރުވެފައިވާއިރު އޭގެތެރެއިން އެކަކީ ޅ. ހިންނަވަރުގައި ކޮވިޑަށް ފަރުވާ ހޯދަމުން ދަނިކޮށް މަރުވި މީހެކެވެ. އަދި ހުޅުމާލެ މެޑިކަލް ފެސިލިޓީގައި ފަރުވާދެމުން ދަނިކޮށް 5 މީހަކު މަރުވެފައިވާއިރު އައިޖީއެމްއެޗް އީއާރުގައި ކޮވިޑަށް ފަރުވާދެމުން ދަނިކޮށްވެސް މިއަދު މީހަކު މަރުވެފައިވެއެވެ.
ކޮވިޑްގައި މިމަހު އެކަނިވެސް 63 މީހަކު މަރުވެފައިވެއެވެ.
