މިރޭ އަނެއްކާ ވެސް ހުޅުމާލެ މެޑިކަލް ފެސިލިޓީން ދެ މީހަކު މަރުވެއްޖެއެވެ.
އެޗްޕީއޭ އިން ބުނީ، މިރޭ މަރުވެފައި ވަނީ އުމުރުން ދުވަސްވީ ދެމީހެއް ކަމަށެވެ. އަދި އެ ދެމީހުންނަކީ ހުޅުމާޅެ މެޑިކަލް ފެސިލިޓީގައި ކޮވިޑް ޖެހިގެން ފަރުވާ ހޯދަމުން ދަނިކޮށް މަރުވި މީހުން ކަމަށް ވެސް އެޗްޕީއޭއިން ބުނެއެވެ. މިރޭ މަރުވެފައި ވަނީ 78 އަހަރުގެ ދިވެހި ފިރިހެނަކާއި 68 އަހަރުގެ ދިވެހި އަންހެނެކެވެ.
މި ދެ މަރުގެ އިތުރުންވެސް މިއަދު ވަނީ އެ ފެސިލީޓީގައި ފަރުވާ ހޯދަމުން ދިޔަ 3 މީހަކު މަރުވެފައެވެ. އެއީ 79 އަހަރުގެ ދިވެހި އަންހެނަކާއި 62 އަހަރުގެ ދިވެހި އަންހެނަކާއި 66 އަހަރުގެ ދިވެހި ފިރިހެނެކެވެ. މީގެ އިތުރުން ދަރުމަވަންތަ ހޮސްޕިޓަލުގެ ޑީއެޗް 11 ގައި ފަރުވާ ދެމުން ދިޔަ 80 އަހަރުގެ ދިވެހި ފިރިހެނެއް ވެސް ވަނީ މަރުވެފައެވެ. އެހެންކަމުން މިއަދު މަރުވި މީހުންގެ އަދަދު މި ވަނީ 6 އަކަށް އަރާފައެވެ.
މިހާރު ރާއްޖެއިން މި ބަލީގައި މަރުވި މީހުންގެ ޖުމްލަ އަދަދު ވަނީ 1 29އަށް އަރާފައެވެ. އެއީ މި ދިޔަ އަހަރު މަރުވި 51 މީހަކާއި މި އަހަރުތެރޭ މަރުވި 78 މީހެކެވެ. މިހާތަަނށް ރާއްޖެއިން މި ބަލީގައި މަރުވެފައި ވަނީ 15 ބިދޭސީއަކާއި 114 ދިވެއްސެކެވެ.
މަރުވާ މީހުންގެ އަދަދު އިތުރުވަމުން އަންނަ އިރު މި މަހަކީ ރިކޯޑް އަދަދަކަށް މީހުން މަރުވެފައިވާ މަހެކެވެ. މިހާތަނަށް މި މަހު ވަނީ 54 މީހަކު މަރުވެފައެވެ.
