ރާއްޖޭގައި ކޮވިޑް ޖެހިގެން މިއަދުގެ ހަތަރު ވަނަ މީހަކު މަރުވެއްޖެއެވެ.
މައުލޫމާތު ލިބިފައިވާ ގޮތުގައި ދާދި ދެންމެއަކު މަރުވެފައި ވަނީ ހުޅުމާލެ މެޑިކަލް ފެސިލިޓީގައި ކޮވިޑް ޖެހިގެން ފަރުވާ ދެމުން ދިޔަ މީހެކެވެ. އެއީ ދޮށީ އުމުރުގެ ދިވެހިން އަންހެނެކެވެ. މިއީ މިއަދު ކޮވިޑް ޖެހިގެން މަރުވި 4 ވަނަ މީހާއެވެ. އަދި ހުޅުމާލެ މެޑިކަލް ފެސިލިޓީން މިއަދު މަރުވި 3 ވަނަ މީހާއެވެ.
މިއަދު މަރުވި މީހުންގެ ތެރޭގައި ކުރީގެ އޮޑިޓާ ޖެނެރަލް އިސްމާއިލް ފަތުހީ ހިމެނެއެވެ. އޭނާއަށް ފަރުވާ ދީފައި ވަނީ ދަރުމަވަންތަ ހޮސްޕިޓަލުންނެވެ.
މީގެ އިތުރުން މިއަދު ވަނީ 62 އަހަރުގެ ދިވެހި އަންހެނަކާއި 66 އަހަރުގެ ދިވެހި ފިރިހެނެއްވެސް މަރުވެފައެވެ. މި ދެމހުންނަކީ ހުޅުމާޅލެ މެޑިކަލް ފެސިލިތިގައި ފަރުވާ ދެނިކޮށް މަރުވީ ދެމީހުންނެވެ.
މި މަރާއެކު މިހާރު ރާއްޖެއިން މި ބަލީގައި މަރުވި މީހުންގެ ޖުމްލަ އަދަދު ވަނީ 127 އަށް އަރާފައެވެ. އެއީ މި ދިޔަ އަހަރު މަރުވި 51 މީހަކާއި މި އަހަރުތެރޭ މަރުވި 76 މީހެކެވެ. މިހާތަަނށް ރާއްޖެއިން މި ބަލީގައި މަރުވެފައި ވަނީ 15 ބިދޭސީއަކާއި 112 ދިވެއްސެކެވެ.
މަރުވާ މީހުންގެ އަދަދު އިތުރުވަމުން އަންނަ އިރު މި މަހަކީ ރިކޯޑް އަދަދަކަށް މީހުން މަރުވެފައިވާ މަހެކެވެ. މިހާތަނަށް މި މަހު ވަނީ 54 މީހަކު މަރުވެފައެވެ.
