މާލެ ސަރަހައްދުގައި ކޮވިޑްގެ ހާލަތު ގޯހުން ގޯހަށް ގޮސްފައި ވުމާ ގުޅިގެން އަލުން ލޮކްޑައުން ކުރަން މަޝްވަރާ ފަށައިފިއެވެ.
އިތުބާރު ހުރި މަސްދަރަކުން "ދަ ޕްރެސް" އަށް އެނގިފައި ވާ ގޮތުގައި މަޝްވަރާ ކުރަނީ މާދަމާވެސް ލޮކްޑައުން އިއުލާން ކުރަން ޖެހޭ ހިސާބަށް ކަންކަން ގޮސްފައި އޮތް ކަމަށް ބަލައިގެންނެވެ. މިރޭ އޮފިޝަލުން ބޭއްވި މަޝްވަރާތަކުގައި ވަކި ގޮތެއް ނިންމިކަން އަދި ސާފެއް ނުވެއެވެ. ނަމަވެސް ލޮކްޑައުން އާ އެކު ދިމާވެދާނެ ކިތަންމެ ކަމަކާ ގުޅޭ ގޮތުން ފުޅާދާއިރާއެއްގައި މަޝްވަރާ ކުރިކަން ވަނީ އެނގިފައެވެ.
މިރޭ އެޗްއީއޯސީން ބޭއްވި ނޫސްވެރިންގެ ބައްދަލުވުމުގައި ތަރުޖަމާން މުހައްމަދު މަބްރޫކް އަޒީޒުވެސް ވަނީ ލޮކްޑައުންއަކާ ގުޅޭ އިޝާތާރެއް ކުރައްވާފައެވެ. އޭނާ ވިދާޅުވީ، ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހުވެސް ހިމެނިވަޑައިގަންނަވާ ގޮތުން، އިތިރަށް އަޅާނެ ފިޔަވަޅުތަކާ ގުޅޭ ޕޮލިސީ ލެވެލްގެ މަޝްވަރާތައް މިރޭ ކުރައްވަމުން ގެންދެވި ކަމަށެވެ.
ރާއްޖޭގެ ކޮވިޑްގެ ހާލަތު ގޯސްވެ، ޕޮޒިޓިވް ވާ އަދަދުތައް ހާ ހަކާ ގާތް ގޮށްފައި ވާއިރު އެންމެ ބާރު ސްޕީޑެއްގައި މީހުން ޕޮޒިޓިވް ވަމުން ދަނީ މާލެ ސަރަހައްދުގައެވެ. މިއަދު ޕޮޒިޓިވް ވި 734 މީހުންގެ ތެރެއިން 540 މީހުންނަކީ މާލެ ސަރަހައްދުން ޕޮޒިޓިވް ވި މީހުންނެވެ.
ޙަމަ ލޮކްޑައުންއަކަށް ދާން ވީ މިހާރު ދެން މާ މައްޗަށް ދަނީ އެހެން ނޫނީ މިކަން ކޮންޓުރޯލެއް ނުވާނެ!
ލޮކްޑައުންކުރުމާ ގުޅޭގޮތުން ވޯޓެއް ލާންފެނޭ، އަލުން އިންތިހާބު ބާއްވަންވީ.. މާދަމާ ކެމްޕޭނަށް ފުރަންވާނެ
މިއަދު މުޅި ރާއްޖޭގެ އިން ކޮވިޑު ޖެހުނު މީހުންގެ އަދަދު 734 ގަ އޭގެ ތެރެއިން މާލެ ސަރަހައްދުން އެކަނި ވެސް 540 ކޭސް މިވަރުން ވެސް ދިވެހިން ބިރު ނުގަނެ ތަ!