ގަވާއިދާ ހިލާފަށް ރާއްޖޭގެ ސަރަހައްދުގައި މަސްވެރިކަން ކުރަން އުޅުނު 5 މަސް ބޯޓު އަތުލައިފިއެވެ.
އެމްއެންޑީއެފުން ބުނީ އެ ބޯޓުތައް ފެނިފައިވަނީ އެމްއެންޑީއެފް ކޯސްޓް ގާޑު ޝިޕް ހުރަވީ، ކުރަމުންދިޔަ ޕެޓްރޯލް ދަތުރެއްގައި މ އާއި ވ އަތޮޅާ ދިމާ އިރުން ރާއްޖޭގެ އިގްތިސާދީ ސަރަހައްދުގެ 30 ނޯޓިކަލް މޭލު އެތެރެއިން ކަމަށެވެ.
މިއީ ކޮން ގައުމެއްގެ މަސް ބޯޓުތަކެއް ކަމެއް އެމްއެންޑީއެފުން ހާމަކޮށްފައެއް ނުވެއެވެ.
ރާއްޖެ އަކީ ކަނޑުގެ ސަރަހައްދު ބޮޑު ގައުމަކަށް ވެފައި ރާއްޖޭގެ ކަނޑުގެ ސަރަހައްދުން ގަވާއިދާ ހިލާފަސް މަސްވެރިކަން ކުރަން ދޭތެރެ ދޭތެރެއިން އުޅަނދުތައް ވަދެއެވެ.
މިދިޔަ ފެބްރުއަރީ މަހުގެ ތެރޭގައި ވެސް ގަވާއިދާ ހިލާފަށް ރާޢްޖޭގެ ސަރަހައްދުގައި މަސްވެރިކަން ކުރަން އުޅެނިކޮށް މަސް ބޯޓެއް ވަނީ އަތުލާފައެވެ. އެ މަސް ބޯޓު ފެނިފައިވަނީ ނ. އަތޮޅު ބޮއެ ގެ އުތުރުން 30 މޭލު ބޭރުން ދާ އަޅައިގެން މަސްވެރިކަން ކުރަމުންދަނިކޮށް އެސަރަހައްދުގައި މަސްވެރިކަން ކުރަމުންދިޔަ "އާސަރީ" ދޯންޏަށެވެ.
އާންމުކޮށް ރާއްޖޭގެ ކަނޑުގެ ސަރަހައްދަށް ވަންނަ މި ބާވަތުގެ އުޅަނދުތައް އިތުރަށް ބާލާ ފާސް ކުރާ އިރު މަސްތުވާތަކެތި ފެންނަ ނިސްބަތްވެސް މަދެއް ނޫނެވެ.
ފިޔަވަޅު އެޅުމުގެ އެއްވެސް ބާރެއް ސަރުކާރަށް އޮތް ނަމަ ފިޔަވަޅު އެޅުއްވީސް. ނަމަވެސް، މި ރާއްޖޭގައި ހިނގަނީ މޯދީގެ ގޮނޑިކޮއްކޮ ވެރިކަމެއް ކަމަށް ވާތީ އިންޑިއާ މީހުން މި ރާއްޖޭގަެ ކަނަޑުގައި ދާއެޅުން މަނާކުރުމުގެ އެއްވެސް ބާރެއް ނޯންނާނެ. އިނޑިއާގެ މަސްވެރީން މި ރާއްޖޭގެ އިޤތިޞާދީ ސަރަހައްދުގައި ދާއަޅައިގެން ކަހައިލަނީ އެ މީހުންނަށް ހުއްދަ އޮވެގެން. އެ މީހުންނާ އިދިކޮޅަށް އެޅޭނެ އެއްވެސް ފިޔަވަޅެއް ނޯންނާނެ. އަދި އިންޑިއާގެ މީހަކު މި ރާއްޖޭގައި ކިތަންމެ ބޮޑު ޖަރީމާއެއްް ހިންގިޔަސް އިންޑިއާ މީހަކާމެދު ފިޔަވަޅު އެޅުމަކީ މި ދިވެހި ދައުލަތަށް މިހާރު އޮތް އިޚުތިޔާރެއް ނޫންކަން ދާދި ފަހުން ވަނީ ސާބިތުވެފައި ނޫންތޯ؟ މި އަދުގެ ސަރުކާރުން ސިޔާދަތާއި މިނިވަންކަން މާނަކުރަނީ ހަމަ އެކަނި ޖޫމްހޫރީ މައިދާޏުގައި ދިދައެއް ހުރުމަށް. އެ ނޫން އެއްވެސް ސިޔާދަތެއް، އިސްތިޤުލާލެއް، މި ގައުމަކަށް މިހާރަކު ނެތް.
ގަވައިދުން މަސްވެރިންގެ ހައްޤުގައި ފިޔަވަޅުއަޅުއްވާ.... ދޫނުކުރައްވާ....ވަކިޤައުމަކަށް ނުބަލާ...އުޅަނދު ނީލަމުގައި ވިއްކާލާ ޣަނީމާ މުދާ ތީ
ފިޔަވަޅު އެޅުމުގެ އެއްވެސް ބާރެއް ސަރުކާރަށް އޮތް ނަމަ ފިޔަވަޅު އެޅުއްވީސް. ނަމަވެސް، މި ރާއްޖޭގައި ހިނގަނީ މޯދީގެ ގޮނޑިކޮއްކޮ ވެރިކަމެއް ކަމަށް ވާތީ އިންޑިއާ މީހުން މި ރާއްޖޭގަެ ކަނަޑުގައި ދާއެޅުން މަނާކުރުމުގެ އެއްވެސް ބާރެއް ނޯންނާނެ. އިނޑިއާގެ މަސްވެރީން މި ރާއްޖޭގެ އިޤތިޞާދީ ސަރަހައްދުގައި ދާއަޅައިގެން ކަހައިލަނީ އެ މީހުންނަށް ހުއްދަ އޮވެގެން. އެ މީހުންނާ އިދިކޮޅަށް އެޅޭނެ އެއްވެސް ފިޔަވަޅެއް ނޯންނާނެ. އަދި އިންޑިއާގެ މީހަކު މި ރާއްޖޭގައި ކިތަންމެ ބޮޑު ޖަރީމާއެއްް ހިންގިޔަސް އިންޑިއާ މީހަކާމެދު ފިޔަވަޅު އެޅުމަކީ މި ދިވެހި ދައުލަތަށް މިހާރު އޮތް އިޚުތިޔާރެއް ނޫންކަން ދާދި ފަހުން ވަނީ ސާބިތުވެފައި ނޫންތޯ؟ މި އަދުގެ ސަރުކާރުން ސިޔާދަތާއި މިނިވަންކަން މާނަކުރަނީ ހަމަ އެކަނި ޖޫމްހޫރީ މައިދާޏުގައި ދިދައެއް ހުރުމަށް. އެ ނޫން އެއްވެސް ސިޔާދަތެއް، އިސްތިޤުލާލެއް، މި ގައުމަކަށް މިހާރަކު ނެތް.