ވޭތުވެ ދިޔަ 24 ގަޑި އިރުގެ ތެރޭގައި 3375 ސާމްޕަލެއް ޓެސްޓް ކޮށްފައި ވާއިރު، މިއަދު 218 މީހަކު ކޮވިޑަށް ޕޮޒިޓިވް ވެފައިވާ ކަމަށް ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ބުނެއެވެ.
އެޗްޕީއޭ އިން ބުނީ މިއަދު ޕޮޒިޓިވް ވި މީހުންގެ ތެރޭގައި ހިމެނެނީ މާލެ ސަރަހައްދުން ޕޮޒިޓިވް ވި 76 މީހަކާއި، ހިންގަމުން ދާ ރިސޯޓުތަކުން 6 މީހަކާއި މީހުން ދިރިއުޅޭ ރަށްރަށުން ޕޮޒިޓިވްވި 136 މީހަކާއި އިންޑަސްޓްރިއަލް ޕޮޒިޓިވްވި މީހެކެވެ.
މިއަދު ޕޮޒިޓިވްވި ޖުމްލަ އަދަދު 200 އިން މަތީގައި ހުރިއިރު ހޮސްޕިޓަލުގައި އެޑްމިޓް ކޮށްފައިވާ މީހުންގެ އަދަދު ވަނީ 101 އަށް އަރާފައެވެ. ޕޮޒިޓިވްވި މީހުންގެ ޖުމްލަ އަދަދު 27،621 އަށް އަރާފައި ވާއިރު ކޮވިޑް އެކްޓިވް ކޭސްގެ އަދަދު ވަނީ 3307 އަށް އަރާގައެވެ.
ބަލިން ރަނގަޅުވި މީހުންގެ ޖުމްލަ އަދަދު 24،234 އަށް އަރާފައި ވާއިރު ކޮވިޑްގައި މަރުގެ މީހުންގެ ޖުމްލަ އަދަދު ވަނީ 71 އަަށް އަރާފައެވެ.
ރޯދަ މަހު ލުއިތައް ދިނުމާއެކު މާލެ ސަރަަހއްދުގައި ގިނަ ބަޔަކު ހަވީރު ފިންޏަށް ބުރު ޖަހަން ނުކުމެ އުޅޭ އިރު މަޑި އެރުވުމަށް ކުޑަކުދިން ގޮވައިގެން ދަރުބާރުގެ ބިއްދޮށޫގައިވާ ހުސްބިމަށް ގިނަ ބަޔަކު ގިސް އުޅޭ ތަން ފެނެއެވެ. އަދި ރެސްޓޯރަންޓްތަކުގައި ރޯދަ ވީއްލުމަށް ބުކިން ހަދައިގެން ދާ މީހުން ވެސް އަންނަނީ މި ދަނޑިވަޅުގައި އިތުރު ވަމުންނެވެ.
