މިއަދު ވެސް ގިނަ އަދަދެއްގެ މީހުން ކޮވިޑަށް ޕޮޒިޓިވް ވެއްޖެއެވެ. ވޭތުވެ ދިޔަ 24 ގަޑި އިރުގެ ތެރޭގައި 3094 ސާމްޕަލެއް ޓެސްޓް ކޮށްފައި ވާއިރު، މިއަދު 319 މީހަކު ކޮވިޑަށް ޕޮޒިޓިވް ވެފައިވާ ކަމަށް ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ބުނެއެވެ.
އެޗްޕީއޭ އިން ބުނީ މިއަދު ޕޮޒިޓިވް ވި މީހުންގެ ތެރޭގައި ހިމެނެނީ މާލެ ސަރަހައްދުން ޕޮޒިޓިވް ވި 108 މީހަކާއި، ހިންގަމުން ދާ ރިސޯޓުތަކުން 21 މީހަކާއި މީހުން ދިރިއުޅޭ ރަށްރަށުން ޕޮޒިޓިވްވި 182 މީހަކާއި އިންޑަސްޓްރިއަލް ޕޮޒިޓިވްވި 8 މީހެކެވެ.
މިއަދުގެ ކޮވިޑް އަޕްޑޭޓް
- މިއަދު ޕޮޒިޓިވްވި އަދަދު: 319
- ހޮސްޕިޓަލުގައި އެޑްމިޓް ކޮށްފައިވާ މީހުންގެ އަދަދު: 98
- ޕޮޒިޓިވްވި މީހުންގެ ޖުމްލަ އަދަދު: 27،403
- ކޮވިޑް އެކްޓިވް ކޭސް: 3294
- ބަލިން ރަނގަޅުވި މީހުންގެ ޖުމްލަ އަދަދު 24،116
- ކޮވިޑް މަރުގެ ޖުމްލަ އަދަދު: 71
އެޗްޕީއޭއިން ރެންޑަމް ސާމްޕަލް ނެގުން މިހާރު ވެސް މާލޭ އާއި އަތޮޅުތަކުގައި ކުރިއަށް ގެންދެއެވެ. މިވަގުތު 12 ރަށެއް އޮތީ މޮނީޓަރިން ހާލަަތުގައެވެ. އޭގެ ތެރޭގައި ލ. މަންދޫ ކ. ހުރާ، ކ. ދިއްފުށި، ޅ. ނައިފަރު، ޅ. ފެލިވަރު، އަދ. މާމިގިލި، ތ. ވިލުފުށި، ތ. ވޭމަންޑޫ، ތ. ކިނބިދޫ، ތ. އޮމަދޫ، ތ.ގެމަނަފުށި، ތ. މަޑިފުށި އަދި އއ. ބޮދުފުޅުދޫ ހިމެނެއެވެ.
އޭގެ އިތުރުން ބ.އޭދަފުށި، ކ.ހިންމަފުށި، ތ. ތިމަރަފުށި، ކ. ގުޅި، ކ މާފުށި، އއ. މަތިވެރި އަދި ހދ. ހަނިމާދޫ ހިމެނެއެވެ.
