ބާޒާރުމަތީގައި ހިންގާ ފިހާރަ ތަކެއް ފަޅާލާ ވައްކަން ކޮށްފިއެވެ.
"ދަ ޕްރެސް" އަށް މައުލޫމާތު ދެއްވަމުން ފުލުހުންގެ މީޑިއާ އޮފިޝަލް ވިދާޅީވި ބާޒާރު މަތީ ފިހާރަތަކެއް ފަޅާލާ ވައްކަން ކޮށްފައިވާ ކަމަށް ތުހުމަތު ކުރެވޭ މައްސަލައަކާ ގުޅިގެން ފުލުހުން އެސަރަހައްދުގައި ހަރަކާތްތެރިވަމުން ދާ ކަމަށެވެ.
މި މައްސަލައިގެ މައުލޫމާތު ފުލުހުންނަށް ލިބިފައިވަނީ މިއަދު ހެނދުނު 07:30 ހާއިރު ކަމަށް ފުލުހުން ވަނީ ބުނެފައެވެ.
މައުލޫމާތު ލިބިފައިވާ ގޮތުގައި ބާޒާރުމަތީ ފަސް ފިހާރައެއް ވަނީ ފަޅާލާ ވައްކަން ކޮށްފައެވެ. އަދި އެ ފިހާރަތަކުން ވައްކަން ކޮށްފައިވާކަން އެނގުނީ މިއަދު ހެނދުނު އެ ތަންތަން ހުޅުވުންނެވެ.
އެ ފިހާރަތަކަށް ވަދެފައިވަނީ ފުރާޅުގެ ޓިނުތައް ނައްޓާލައިގެންނެވެ.
ވައްކަމާއި ފޭރުމަކީ މިހާރު ރާއްޖޭގައި ވެސް އާންމުވަމުން އަންނަ ކަންކަމެވެ. އެގޮތުން، ގޭގެއަށް ވަދެ ވައްކަން ކުރުމާއި، ފިހާރަތައް ފަޅާލައިގެން ވައްކަން ކުރުމުގެ އިތުރުން އޮފީސްތަކުގެ ތިޖޫރީތަކުން ވެސް ދަނީ ވައްކަން ކުރަމުންނެވެ.
