އިދިކޮޅު ޕީޕީއެމުން އިއްޔެ ކުރި މުޒާހަރާ ތެރެއިން ހައްޔަރު ކުރި މީހުން ޖޫރިމަނާ ކޮށް ދޫކޮށްލައިފިއެވެ.
އިއްޔެ ކުރިއަށް ގެންދިޔަ މުޒާހަރާ ތެރެއިން 39 މީހުން ވަނީ ހައްޔަރު ކޮށްފައެވެ.
ފުލުހުން ބުނީ އެމީހުން ރޭ ދޫކޮށްލާފައި ވާއިރު އެމީހުން ދޫކޮށްލީ ކޮންމެ މީހަކު 1000 ރުފިޔާއިން ޖޫނިމަނާ ކޮށްފައި ކަމަށެވެ.
ފުލުހުން އަންނަނީ އާންމު ސިއްހަތުގެ ކުއްލި ނުރައްކަލުގެ ހާލަތުގައި ބަލި ފެތުރުން ކޮންޓްރޯލް ކުރުމަށްޓަކައި އެޗްޕީއޭ އިން އަޅާފައިވާ ފިޔަވަޅުތަކާއި އަންގާފައި ވާ އެންގުމާ ހިލާފުވާ ފަރާތްތަކަށް 1000 ރުފިޔާއިން ޖޫރިމަނާ ކުރަމުންނެވެ. އެއީ އެޗްޕީއޭގެ އެންގުމާ ހިލާފުވާ ފުރަތަމަ ފަހަރު އަމަލުކުރާ އުސޫލުގައި އޮންނަ ގޮތެވެ.
އިއްޔެ ޕީޕީއެމުން މުޒާހަރާ ކޮށްފައި ވަނީ މާލޭގެ އެކި ސަރަހައްދުތަކުގައި ގްރޫޕް ހަދައިގެންނެވެ. މާލޭގެ އެކި ސަރަހައްދުތަކަށް މުޒާހަރާގެ ބައިވެރިން ނިކުތީ، އާންމުކޮށް އެ ޕާޓީގެ މުޒާހަރާތައް ބާއްވާ، އެ ޕާޓީގެ އޮފީސް ހުންނަ ސަރަހައްދާއި، އެ އޮފީހަށް ދާން އޮތް ހުރިހާ މަގެއް ފުލުހުން ބަންދު ކޮށްފައި ވަނިކޮށެވެ.
މި ދުވަސްވަރަކީ ކޮވިޑް-19 ގެ ބަލިމަޑުކަމާ ގުޅިގެން މާލެ ސިޓީގައި ހަރުކަށި ފިޔަވަޅުތަކެއް އަޅާފައިވާ ދުވަސްވަރެކެވެ. އެގޮތުން އެއްވުންތަކާއި މުޒާހަރާތައް އަދި ޖަލްސާތަކާއި ހަފްލާތައް ބޭއްވުން މަނާކޮށްފައި ވާއިރު، މާލޭ މަގުމައްޗަށް އެއްފަހަރާ ނިކުމެ އުޅެވޭނީ 5 މީހުންނަށް ކަމަށް ވަނީ ނިންމާފައެވެ. ކަން މިހެން އޮތް ނަމަވެސް އިދިކޮޅު ކޯލިޝަނުން އަންނަނީ ސިލްސިލާކޮށް މާލޭގައި މުޒާހަރާތައް ބާއްވަމުންނެވެ.
އެހެން ކަމުން ފުލުހުން ވަނީ މިފަދަ އެއްވުންތަކަށް ޖާގަ ނުދޭނެ ކަމަށް ބުނެ ފުލުހުން ވަނީ ކުރިއާލާ އިންޒާރު ދީފައެވެ.
ރައްޔިތުން ފެލާލައިގެންވެސް ސަރުކާރު ހިފެހެއްޓޭތޯ މަސައްކައިކުރާތި.