ހިޔާ މަޝްރޫއުގެ ދަށުން ސިިވިލް ސާވިސް މުވައްޒަފުންނަށް ކަނޑައަޅާފައިވާ ފްލެޓު ލިބޭ މީހުންގެ ވަގުތީ ލިސްޓު އާންމުކޮށްފިއެވެ.
މި ލިސްޓު އާންމު ކޮށްފައި ވަނީ މިނިސްޓްރީތައް ވަކިވަކިން އެނގޭނެ ގޮތަށެވެ.
ފްލެޓުތަކުގެ މައްސަލަތައް ބަލާ ކޮމެޓީ އިން ބުނީ އާ މިނިސްޓްރީތައް އުފެދި، މި ކެޓަގަރީއަށް ފޯމު ހުށަހަޅާފައިވާ ފަރާތްތަކުން އެކި އިދާރާތަކަށް ބަދަލުވެފައިވީ ނަމަވެސް، ކޮމިޓީއިން އެކުލަވާލާފައިވާ ލިސްޓުގައި، ކޮންމެ ފަރާތެއްވެސް ހިމަނާފައި ވާނީ، އެ ފަރާތެއް ފޯމު ހުށަހެޅާފައިވާ މިނިސްޓްރީއެއްގެ ދަށުން ކަމަށެވެ. އަދި ލިސްޓުގައި ބޭނުންކޮށްފައި ވަނީވެސް އޭރު މިނިސްޓްރީތަކަށް ކިޔަމުންދިޔަ ނަންތަކެވެ.
މި ކެޓަގަރީއަށް ޕޮއިންޓް ދިނުމުގައި ބަލާފައިވާނީ ޖަނަވަރީ 15، 2018 ގެ ނިޔަލަށް ހިދުމަތް ކޮށްފައިވާ މުއްދަތާއި، ލިބިފައިވާ ތައުލީމީ ސެޓްފިކެޓްތަކަށް ކަމަށް އެކޮމެޓީން ބުނެއެވެ.
މި ކެޓަގަރީއަށް ފޯމު ހުށަހެޅުމަށްފަހު ފޯމު ހުށަހެޅާފައިވާ ފަރާތް، ފްލެޓްގެ ތަޅުދަނޑި ލިބުމުގެ ކުރިން، ވަޒީފާއިން ވަކިވެފައިވާނަމަ އެ ފަރާތެއްގެ ފޯމު ބާއިލްވާނެކަމަށާއި، ފްލެޓް ލިބުމަށް ދެމަފިރިން ހޮވިއްޖެނަމަ، ހަވާލުކުރެވޭނީ 1 ފްލެޓް ކަމުގައި އޭރުގެ މިނިސްޓްރީ އޮފް ހައުސިން އެންޑް އިންފްރާސްޓްރަކްޗާ އިން ވަނީ ކަނޑައަޅާފައިވާ ކަމަށް ފްލެޓް ކޮމެޓީން ބުނެއެވެ.
"ހިޔާ" މަޝްރޫއުގެ ސިވިލް ސާވިސް މުވައްޒަފުންނަށް ހާއްސަ ކެޓަގަރީއަށް ފޯމު ހުށަހަޅާފައިވާ ފަރާތްތަކަށް ޕޮއިންޓް ލިބިފައިވާގޮތުގެ ވަގުތީ ލިސްޓަށް ޝަކުވާ ހުށަހެޅުމުގެ ފުރުސަތު، މިއަދު އިން ފެށިގެން ޖަނަވަރީ 3، 2021 ގެ 15:00 ނިޔަލަށް ވަނީ ހުޅުވާލާފައެވެ. މިގޮތުން މި ލިންކު މެދުވެރިކޮށް ޝަކުވާ ހުށަހެޅުއްވުމަށް ފްލެޓް ކޮމެޓީން ވަނީ އެދިފައެވެ.
ސިވިލް ސާވިސް މުވައްޒަފުންނަށް ހާއްސަ ކެޓަގަރީއަށް ކަނޑައަޅާފައިވާ 1000 ފްލެޓް އެކި އިދާރާތަކަށް ބަހާލާފައިވާއިރު ހައުސިން އެންޑް އިންފްރާސްޓްރަކްޗާއަށް ދިނުމަށް ހަމަޖެހިފައިވަނީ 142 ފްލެޓެވެ. ހެލްތު މިނިސްޓްރީ އަށް 201 ފްލެޓު ދިނުމަށް ހަމަޖެހިފައިވާއިރު ހޯމް މިނިސްޓްރީ އަށް 85 ފްލެޓު އަދި އިކޮނޮމިކް މިނިސްޓްރީ ދިނުމަށް ހަމަޖެހިފައިވަނީ 29 ފްލެޓެވެ.
އޭގެ އިތުރުން އިސްލާމިކް މިނިސްޓްރީ 40 ފްލެޓާއި އެންވަޔަރަމެންޓް މިނިސްޓްރީ އަށް 42 ފްލެޓާއި އެޑިއުކޭޝަން މިނިސްޓްރީ އަށް 169 ފްލެޓުގެ އިތުރުން ފިނޭންސް މިނިސްޓްރީ 54 ފްލެޓާއި ފިޝަރީޒް މިނިސްޓްރީއަށް 29 ފްލެޓާއި ފޮރިން މިނިސްޓްރީއަށް 24 ފްލެޓެވެ. އަދި ޑިފެންސް މިނިސްޓްރީއަށް 43 ފްލެޓާއި ޓޫރިޒަމް މިނިސްޓްރީ އަށް 16 ފްލެޓާއި ޔޫތު މިނިސްޓްރީއަށް 47 ފްލެޓާއި ޖެންޑާ މިނިސްޓްރީ އަށް 42 ފްލެޓާއި އެޓާނީ ޖެނެރަލްގެ އޮފީހަށް 28 ފްލެޓާއި މޯލްޑިވްސް މީޑިއާ ކައުންސިލަށް ތިން ފްލެޓު އަދި މާލޭ ސިޓީ ކައުންސިލް ހަ ފްލެޓެވެ.
އެހެން ދާއިރާގެ މީހުންގެ ހައްގު ކޮބާ މަސްވެރިން ދަނޑުވެރިން ރިސޯޓް ކުދިން