ބަލި މީހަކު ހޮސްޕިޓަލަށް ގެންދިއުމަށް އެމްއެންޑީއެފުން އެހީތެރިކަން ފޯރުކޮށްދީފިއެވެ.
އެމްއެންޑީއެފުން ބުނީ މައްޗަންގޯޅި ގެއެއްގެ އެއް ވަނަ ފަންގިފިލާގައި އޮތް ހާލުބޮޑު އަންހެނަކު ހޮސްޕިޓަލަށް ގެންދިއުމަށް އެހީތެރިކަން ފޯރުކޮށްދީފައިވާ ކަމަށެވެ.
އެގޮތުން އެއްވަނަ ފަންގިފިލާއިން އެމީހާ ތިރިއަށް ބޭލުމުގައި އެމްއެންޑީއެފް ފަޔާ އެންޑް ރެސްކިއު ސާވިސް އިން އެހީތެރިކަން ފޯރުކޮށްދީފައިވާ ކަމަށް ވަނީ ބުނެފައެވެ.
އެމްއެންޑީއެފުން ބުނީ އެ ބަލި މީހާ ތިރިއަށް ބާލާފައި ވަނީ މިއަދު ހެނދުނު 06:38 ހާއިރު ކަމަށެވެ.
އެމްއެންޑީއެފުން ވަނީ މީގެ ކުރިން ވެސް ބަލިމީހުން ހޮސްޕިޓަލަށް ގެންދިއުމަށް އެހީތެރިކަން ފޯރުކޮށްދީފައެވެ. އަދި މަގުމަތިން ނޫނީ ކަނޑުގައި ދިމާވާ އެފަދަ ހާލަތްތަކުގައި ވެސް އެމްއެންޑީއެފުން ވަނީ ހަރަކާތްތެރި ވެފައެވެ.
