ސައުތު އޭޝިއަން ޓްރެވެލް އެވޯޑް (ސާޓާ) ގެ ލީޑިން ޓޫރިސްޓް ޓްރާންސްޕޯޓް ޕްރޮވައިޑާ އެވޯޑް ރާއްޖޭގެ ގައުމީ އެއާލައިން މޯލްޑިވިއަން އަށް ލިބިއްޖެއެވެ.
މިއަދު ބޭއްވި އެވޯޑް ހަފްލާގައި އެވޯޑާ ހަވާލުވެ، މޯލްޑިވިއަންގެ ޑެޕިއުޓީ މެނޭޖިން ޑިރެކްޓަރު އައިޝަތު ޖެނިފާ ދެއްވި މެސެޖްގައި، މި އަހަރަކީ ޓޫރިޒަމް އިންޑަސްޓްރީއަށް ޗެލެންޖިން އަހަރެއް ކަމަށާއި ޓޫރިޒަމްއާއި އޭވިއޭޝަން އަކީ ގުޅިލާމެހިފައިވާ ދެ އިންޑަސްޓްރީކަން ވަނީ ފާހަގަ ކުރައްވާފައެވެ.
އެގޮތުން ޖެނިފާ ވިދާޅުވީ އެ އެވޯޑް ލިބުމަކީ ޕާޓްނަރުންނާއި ކަސްޓަމަރުން މޯލްޑިވިއަން އަށް ކުރާ އިތުރުބާރު ދައްކުވައިދޭ ކަމެއް ކަމަށެވެ. އަދި ވައިގެ މަގުން ގުޅުވައި ދިނުމަށް މޯލްޑިވިއަންގެ މުއައްޒަފުން ވަރުބަލި ކަމެއް ނެތި ކުރި މަސައްކަތަށް އޭނާ ވަނީ ޝުކުރު އަދާކުރައްވާފައެވެ.
ލީޑިން ޓޫރިސްޓް ޓްރާންސްޕޯޓް ޕްރޮވައިޑާ އެވޯޑް ކެޓަގަރީން މީގެ ކުރިން ވެސް މޯލްޑިވިއަންއަށް ވަނީ ދެ ފަހަރެއްގެ މަތިން ސާޓާ އެވޯޑް ލިބިފައެވެ.
