ރާއްޖޭގެ އެންމެ ފުރަތަމަ "އޭއާރު" ގޭމް ކަމަށްވާ އާރުބީ ކުއެސްޓް، އާ ފީޗާތަކަކާއި އެކު ރީލޯންޗްކޮށް، ޕްރޮމޯޝަނެއް ފަށައިފިއެވެ.
ދިރާގުން ބުނީ އާ ކެރެކްޓާތަކާއި އެކު، "ޝޫޓް އެމް" ފަދަ އާ ފީޗާތަކަކާއި އެއްކޮށް އާރުބީ ކުއެސްޓް ރީލޯންޗް ކޮށްފައިވާ އިރު، އެކަމާއި ގުޅިގެން މިއަދު ފަށާފައިވާ ޕްރޮމޯޝަންގައި އެ ކުންފުނީގެ މޯބައިލް ހިދުމަތް ހޯދަމުންދާ ހުރިހާ ކަސްޓަމަރުންނަށް އިނާމު ހޯދުމުގެ ފުރުސަތު އޮންނާނެ ކަމަށެވެ.
އެގޮތުން އެ ޕްރޮމޯޝަން ކުރިއަށްދާ މުއްދަތުގައި އެންމެ ގިނައިން ޕޮއިންޓް ހޯދާ ފަރާތްތަކުގެ ތެރެއިން އެންމެ މަތިން ޕޮއިންޓް ހޯދާ ފަރާތަކަށް އައިފޯން 12 ޕްރޯ މެކްސެއް ލިބޭ އިރު، ދެވަނައަށް އެންމެ ގިނައިން ޕޮއިންޓް ހޯދާ ފަރާތަކަށް ސެމްސަންގް ގެލެކްސީ އެސް 20 އަލްޓްރާ އެއް، އަދި ތިންވަނަ އަށް އެންމެ ގިނައިން ޕޮއިންޓް ހޯދާ ފަރާތަކަށް ސެމްސަންގް ގެލެކްސީ އެސް20 ޕްލަސް އެއް ލިބޭނެ ކަމަށް ދިރާގުން ބުނެއެވެ.
ރާއްޖޭގެ ކޮންމެ ނެޓްވޯކެއް ބޭނުންކުރާ ފަރާތަކަށް އާރުބީ ކުއެސްޓް ކުޅެވޭ އިރު، އެ ޕްރޮމޯޝަންގައި ހަމައެކަނި ބައިވެރިވެވޭނީ ދިރާގު މޯބައިލް ނުވަތަ މަމެން ކަސްޓަމަރުންނަށް އެކަންޏެވެ.
އޭއާރް ކިޓް ހުންނަ އައިއޯއެސް ޑިވައިސްތަކުން އަދި އޭއާރު ކޯ ހުންނަ އެންޑްރޮއިޑް ޑިވައިސްތަކުން އާރުބީ ކުއެސްޓް ކުޅެލެވޭ އިރު، އެޕަލް އެޕް ސްޓޯގެ އިތުރުން ގޫގަލް ޕްލޭ ސްޓޯ އިން ވެސް އެ ގޭމް ޑައުންލޯޑްކޮށްގެން ކުޅެވޭނެ ކަމަށް ދިރާގުން ބުނެއެވެ.
އާރުބީ ކުއެސްޓް ރީލޯންޗްކޮށްފައިވާ އިރު، އެ ގޭމް ރީލޯންޗް ކުރާތާ ފުރަތަމަ ތިން މަސް ދުވަސްތެރޭ ދިރާގު މަމެން ޕްލޭން ބޭނުންކުރާ ކަސްޓަމަރުންނަށް ގޭމް މެދުވެރިކޮށް މަމެން އެޕަށް ބޯނަސް ޑާޓާ ފޮނުވޭނެ ކަމަށްވެސް ދިރާގުން ބުނެއެވެ.
