ކީރިތި ގުރްއާން ބަލައިގެން ކިޔެވުމުގެ ވާޗުއަލް ގައުމީ މުބާރާތް 2020 އަށް ކިޔެވުމުގެ ރެކޯޑިން ވައިބާއިން ފޮނުވޭ ގޮތަށް ހަމަޖައްސައިފިއެވެ.
އިސްލާމިކް މިނިސްޓްރީން ބުނީ، މި އަހަރު ބާއްވަން ހަމަޖެހިފައިވާ ކީރިތި ގުރްއާން ބަލައިގެން ކިޔެވުމުގެ ވާޗުއަލް ގައުމީ މުބާރާތުގެ ޕޯޓަލަށް ކިޔެވުމުގެ ރެކޯޑިން ހުށަހަޅަން ދަތިވާ ބައިވެރިންނަށް ވައިބާ މެދުވެރިކޮށް ވީޑިއޯ ފޮނުވުމުގެ އިންތިޒާމް ހަމަޖައްސާފައިވާ ކަމަށެވެ. އެގޮތުން ވައިބާ މެދުވެރިކޮށް ވީޑިއޯ ފޮނުވާނީ 7321728 ވައިބަރ ނަންބަރަށް ކަމަށް އެ މިނިސްތްރީން ބުނެއެވެ.
މި ގޮތަށް ހަމަޖައްސާފައި ވަނީ ބައެއް ބައިވެރިންނަށް ކިޔެވުމުގެ ރެކޯޑިން ޕޯޓަލްއަށް ހުށަހެޅުމުގައި ދަތިތަކެއް ދިމާވަމުން އަންނަ ކަމުގެ ޝަކުވާ މިނިސްޓްރީން ލިބެމުން އަންނާތީ ކަމަށް އެ ފަރާތުން ބުނެއެވެ.
މިނިސްޓްރީ އޮފް އިސްލާމިކް އެފެއާޒުން އިންތިޒާމު ކޮށްގެން ބާއްވާ "ކީރިތި ގުރްއާން ބަލައިގެން ކިޔެވުމުގެ ވާޗުއަލް ގައުމީ މުބާރާތް 2020" އަކީ މީގެ ކުރިން ބާއްވަމުން ދިޔަ ގައުމީ މުބާރާތާ ހިލާފަށް މިހާރުގެ ހާލަތަށް ރިއާޔަތްކޮށް ވާޗުއަލްކޮށް ގައުމީ ފެންވަރުގައި ބޭއްވުމަށް ހަމަޖެހިފައިވާ ބަލައިގެން ކިޔެވުމުގެ ހާއްސަ މުބާރާތެކެވެ.
މުބާރާތް ހުޅުވާލެވިފައި ވަނީ ދިގު ރާގު އަދި ކުރު ރާގު ކިޔަވާ ގޮތަށެވެ. މުބާރާތުގެ އޮޑިޝަން އޮންނާނީ މި މަހުގެ 16 ވަނަ ދުވަހުން މި މަހުގެ 28 ވަނަ ދުވަހުގެ ނިޔަލަށެވެ.
