މިއަހަރު ރާއްޖޭން 17 ފަހަރަށް ލޯނު ނަގާފައިވާ ކަމަށް ފިނޭންސް މިނިސްޓްރީން ބުނެފިއެވެ.
ފިނޭންސް މިނިސްޓްރީން އާންމުކުރި ތަފާސް ހިސާބުތަކުން ދައްކާގޮތުގައި 17 ފަހަރަށް އެކިއެކި އިންޓަނޭޝަނަލް އެޖެންސީ ތަކުން ލޯނު ނަގާފައި ވާއިރު ބޭރުގެ އެޖެންސީތަކާއި ސަރުކާރުތައް ހިމެނޭ ގޮތަށް 10 ފަރާތަކުން ލޯނު ވަނީ ނަގާފައެވެ.
މިއަހަރު ސަރުކާރުން ލޯނު ނެގި ފަރާތްތަކުގެ ތެރޭގައި އޯޕެކް ފަންޑު ފޯ އިންޓަނޭޝަނަލް ޑިވްލޮޕްމަންޓް (އޯޕެކް) އާއި އިންޓަނޭޝަނަލް ޑިވްލޮޕްމަންޓް އެސޯސިއޭޝަން އާއި އިސްލާމިކް ޑިވްލޮޕްމަންޓް ބޭންކް (އައިޑީބީ) އާއި ޔޫރަޕިއަން އިންވެސްޓްމަންޓް ބޭންކް އަދި އޭޝިއަން ޑިވްލޮޕްމަންޓް ބޭންކް (އޭޑީބީ) ހިމެނެއެވެ.
އޭގެ އިތުރުން ސައުދީ ފަންޑް ފޯ ޑިވްލޮޕްމަންޓް އާއި އޭޝިއަން އިންފްރާސްޓްރަކްޗާ އިންވެސްޓްމަންޓް ބޭންކް (އައިއިއައިބީ) އާއިއިންޓަނޭޝަނަލް ފަންޑް ފޯ އެގްރިކަލްޗާ ޑިވްލޮޕްމަންޓް (އޮފިޑް)ގެ އިތުރުން ޖަޕާން އިންޓަނޭޝަނަލް ކޯޕަރޭޝަން އެޖެންސީ (ޖައިކާ) އަދި ދަ އެކްސްޕޯޓް އިންޕޯޓް ބޭންކް އޮފް އިންޑިއާ ހިމެނެއެވެ.
ލޯނު ނެގި ފަރާތްތަކުގެ ތެރެއިން އެންމެ ގިނަ ލޯނު ނަގާފައިވަނީ އިންޓަނޭޝަނަލް ޑިވްލޮޕްމަންޓް އެސޯސިއޭޝަންގެ ފަރާތުންނެވެ.
