މިވަގުތު ކަރަންޓީނަށް ނުގެންދެވި 348 މީހުން އެބަތިބި ކަމަށް އެޗްއީއޯސީން ބުނެފިއެވެ.
ކަރަންޓީން ފެސިލިޓީތަކަށް ނުގެންދެވި ތިބި މީހުންގެ އަދަދު ހާމަ ކުރަމުން ހެލްތު އެމްޖެންސީ އޮޕަރޭޝަން ސެންޓާ (އެޗްއީއޯސީ) އިން ބުނީ، އިއްޔެގެ އިރުއޮއްސި 6:00 އާ ހަމައަށް 348 ދިވެހިން ކަރަންޓިން ފެސިލިޓީއަށް ނުގެންދެވި ތިބި ކަމަށެވެ.
348 މީހުންގެ ތެރެއިން 194 މީހުންނަކީ ފެސިލިޓީތަކަށް މީހުން ގެންދިއުމުގައި އެ ސެންޓަރުން ކުރާ މަސައްކަތުގައި ލަސްތަކެއް އުޅޭތީ ނުގެންދެވި ތިބި މީހުން ކަމަށް އެޗްއީއޯސީން ބުނެއެވެ. 89 ފަރާތަކީ ކަރަންޓީނަށް ދިއުމަށް އިންކާރު ކުރި މީހުން ކަމަށާއި، 18 މީހުން މަޑުކޮށްގެން ތިބީ އެ މީހުންގެ އާއިލާ މެންބަރުންގެ ނަތީޖާ ލިބެން ދެން ކަމަށް އެޗްއީއޯސީން ބުނެއެވެ.
މީގެ އިތުރުން 33 މީހުންނަކީ އަދި އެޗްއީއޯސީއަށް ވަކި ޖަވާބެއް ނުދީ ތިބި މީހުން ކަމަށާއި އަދި އިތުރު 14 މީހުން ވެސް އެބަތިބި ކަމަށް އެޗްއީއޯސީން ބުނެއެވެ.
މިހާރު ކޮވިޑަށް ޕޮޒިޓިވްވާ މީހުން އަންނަނީ ދުވަހެއް ދުވަހެއް އިތުރުވަމުންނެވެ. މިހަރު ރާއްޖެއިން މި ބައްޔަށް ޕޮޒިޓިވްވި މީހުންގެ އަދަދު ވަނީ 6500 އިން މައްޗަށް ގޮސްފައެވެ. އެކްޓިވް ކޭސްގެ ގޮތުގައި މިހާރު 2527 ކޭސް އެބަ ތިއްބެވެ. އޭގެތެރެއިން 166 މީހުންނަށް އަންނަނީ ހޮސްޕިތަލުގައި ފަރުވާ ދެމުންނެވެ. 1398 މީހުން ވަނީ އައިސޮލޭޝަން ފެސިލިޓީތަކަށް ގެންގޮސްފައެވެ.
މި ބައްޔަށް ފަރުވާ ކުރަމުންދާ ނުވަތަ އެކްޓިވް ކޭސްތައް އުޅެނީ މާލެ ސަރަހައްދުގެ އިތުރުން، ރާއްޖޭގެ 21 ރަށެއްގައެވެ. އަދި 10 ރިސޯޓެއްގައި ވެސް އެކްޓިވް ކޭސްތައް އުޅޭއިރު، 4 ފަތުރުވެރިންނާއި 13 ރިސޯޓް މުވައްޒަފުން ވަނީ ޕޮޒިޓިވްވެފައެވެ.
އެކްޓިވް ކޭސްތައް އުޅޭ ރަށްތަކުގެ ލިސްޓުގައި ހިމެނެނީ، ހދ. ނާވައިދޫ، ހދ.ކުރިނބި، ނ. މިލަދޫ، ރ. ހުޅުދުއްފާރު، ރ. އިނގުރައިދޫ، ބ. ކަމަދޫ، ޅ. ނައިފަރު، ކ. ތުލުސްދޫ، ކ. ހިންމަފުށި، ކ. ގުޅި، އދ. މާމިގިލި، އދ. އޮމަދޫ، ފ. ނިލަންދޫ، ވ. ކެޔޮދޫ، ވ. ތިނަދޫ، ތ. މަޑިފުށި، ތ. ވިލުފުށި، ތ. ތިމަރަފުށި، އަދި އައްޑޫ ސިޓީގެ ހިތަދޫއާއި ފޭދޫއެވެ.
ދާން ދެކޮޅު ހެދީމަ ދޯ ނުގެންދެވުނީ؟ މިލިއަނުން ޖޫރިމަނާކޮށް ވަގުން ކާނެ ލާރިގަނޑެއް ފޭރިގަންނަން ވީނު. އެޗްޕީއޭގެ ޒިންމާ އަދާ ނުކުރެވުނީމަ ޖޫރިމަނާ ކުރެވެންވެސް ނޯވޭތަ؟ މިއޮތީވާ ކަމެއް.
ތިޔަ އެޗު އީ އޯ ސީ އާލާތުންނައް ވާކަމެއް އޮވޭތަ
ތީ ހަމަ ރާއްޖޭގެ ވެރިމީހާ ރަައްޔަތުންނަށް އަޅާ ނުލާތީ ވާގޮތް