ފިނޭންސް މިނިސްޓްރީން ނޭޝަނަލް ޓެންޑާ މެދުވެރިކޮށް ކުރިއަށް ގެންދާ ބީލަންތަކުގެ އިވެލުއޭޝަން މަރުހަލާގެ ހުލާސާ މިނިސްޓްރީގެ ވެބްސައިޓުގައި ޝާއިއުކުރަން ފަށައިފިއެވެ.
މިދިޔަ ހަފްތާ ތެރޭ އެމައުލޫމާތު ފިނޭންސް މިނިސްޓްރީގެ ވެބްސައިޓުން ޝާައިރުކުރަން ފަށާފައިވާއިރު މިނިސްޓްރީން ބުނީ ބީލަމަށް ކުރިމަތިލި ފަރާތްތަކާއި އެފަރާތްތަކުން ހުށަހަޅާފައިވާ އަގުތައް ވެބްސައިޓުގައި ޝާއިރު ކުރެވިފައި ހުންނާނެ ކަމަށެވެ.
އޭގެ އިތުރުން އެފަރާތެއް އިވެލުއޭޝަނުން ފާސްވެފައިވާ ކަން ނުވަތަ ނުވާކަން އަދި ބީލަން ކާމިޔާބުނުވި ފަރާތުގެ އިވެލުއޭޝަނުން ދަށްވި ސަބަބުގެ ހުލާސާ ވެސް ހިމަނާފައިވާނެ ކަމަށް ވެސް މިނިސްޓްރީން ވަނީ ބުނެފައެވެ.
ހަމައެހެންމެ މަސައްކަތް އެވޯޑުކޮށްފައިވާ އަގާއި މުއްދަތު ހިމެނޭހެން ހުންނާނެ ކަމަށް ވެސް ފިނިސްޓްރީން ވަނީ ބުނެފައެވެ. އަދި ހުއްދަދިން ފަރާތުގެ މައުލޫމާތުގެ އިތުރުން ހުއްދަދިން ދުވަހުގެ މައުލޫމާތު ހިމަނާ ފައިވާނެ ކަމަށް ވެސް ފިނޭންސް މިނިސްޓްރީން ބުނެއެވެ.
ހަމައެކަނި މިއަހަރުގައި ކުރިއަށް ގެންދިޔަ އިވެލުއޭޝަންގެ ހުލާސާ މިވަގުތު ވެބްސައިޓުގައި ހުރި ނަމަވެސް ފިނޭންސް މިނިސްޓްރީން ބުނީ 2019 ވަނަ އަހަތުން ފެށިގެން އޮގަސްޓު މަހުގެ ނިޔަލަށް ކުރިއަށް ގެންގޮސްފައިވާ ބީލަންތަކުގެ މައުލޫމާތު ވަރަށް އަވަހަށް ޝާއިއުކުރެވޭނެ ކަމަށެވެ.
މާބޮށްވެސް ފަސްދީ ހިގައްޖެ! ހެލް ތް މިނިސްޓްރީން ވެންޓިލޭޓަރ ގެންނަން ބިޑްކުރިކަމުގެ މަޢުލޫމާތު ހުންނާނެތޯ. އިވެލުއޭޓްވީ ކުންފުންޏަކީ ދުނިޔޭގެ ސިއްހަތުޖަމްޢިއްޔާ ރިކޮގްނައިޒްކުރާ ސަރޓިފައިޑް ކުންފުއްޏެއްތޯ ބެލެންޖެހޭ! މިލިއަނުން ފައިސާ ރައްޔިތުންގެ ނަމުގައި ހޭދަކުރެވެންޖެހޭނީ ރައްޔިތުންނަށް އެއިން ފައިދާކުރަނިވި ގޮތެއްގައި.