ރާއްޖެއިން އިތުރު 24 މީހަކު ކޮވިޑް ޖެހި ރަނގަޅުވެ ޖުމްލަ އަދަދު 1217 އަށް އަރާފައިވާ ކަމަށް ހެލްތް ޕްރޮޓެޝަން އެެޖެންސީ (އެޗްޕީއޭ) އިން ބުނެފިއެވެ.
ރާއްޖެއިން ކޮވިޑް ޖެހޭ މީހުންގެ އަދަދު މިހާރު ދައްވަމުން ދާއިރު، މިއަދު ކޮވިޑަށް ޕޮޒިޓިވް ވެފައި ވަނީ 10 މީހަކެވެ. އެއީ ބަންގަލްދޭޝްގެ ހަތް މީހުންނާއި ނޭޕާލްގެ ދެ މީހުން އަދި ދިވެއްސެކެވެ.
ރާއްޖެއިން ކޮވިޑް ޖެހުނު މީހުންގެ ޖުމްލަ އަދަދު 2013 އަށް އަރާފައި ވާއިރު، އޭގެ ތެރޭގައި ދިވެހިންގެ އަދަދު ވަނީ 701 އަށް އަރާފައެވެ. ބަންގްލަދޭޝްގެ ޖުމްލަ 1065 މީހަކު ޕޮޒިޓިވް ވެފައި ވާއިރު، އިންޑިއާގެ 191 އަދި ލަންކާގެ 11 މީހަކާއި ނޭޕާލްގެ 26 މީހަކު ވަނީ ޕޮޒިޓިވް ވެފައެވެ.
ކޮވިޑް ޖެހި ރާއްޖެއިން މަރުވި މީހުންގެ އަދަދު ވަނީ ޖުމްލަ 8 އަށް އަރާފައެވެ. 4 ދިވެހިންނާއި 4 ބިދޭސީންނެވެ. އެއީ 38 އަހަރުގެ ބަންގްލަދޭޝް މީހާ އާއި 54 އަހަރުގެ ބަންގްލަދޭޝް މީހަކާއި 45 އަހަރުގެ ބަންގަލަދޭޝް ފިރިހެނެކާއި 83 އަހަރުގެ ދިވެހި އަންހެނަކާއި 33 އަހަރުގެ ބަންގްލަދޭޝް ފިރިހެނަކާއި 45 އަހަރުގެ ބަންގްލަދޭޝް ފިރިހެނަކާއި 80 އަހަރުގެ ދިވެހި ފިރިހެނެއްގެ އިތުރު 88 އަހަރުގެ ދިވެހި ފިރިހެނެކެވެ.
މިވަގުތު ކަރަންޓީންގައި ތިބީ 346 މީހުންނެވެ. އަދި އައިސޮލޭޝަންގައި ތިބީ 737 މީހުނެވެ.
