ކޮވިޑް ޖެހުނު މީހުންގެ ތެރެއިން ރާއްޖެއިން އިތުރު 32 މީހަކު ރަނގަޅު ވެއްޖެއެވެ.
ހެލްތް ޕްރޮޓެކްޝަން އެެޖހެންސީ (އެޗްޕީއޭއިން) ބުނީ ވޭތުވެ ދިޔަ 24 ގަޑިއިރުގެ ތެރޭގައި ކޮވިޑުން ރަނގަޅުވި މީހުންގެ ޖުމްލަ 32 އަށް އަރާފައިވާއިރު ރާއްްޖެއިން ރަނގަޅުވި މީހުންގެ ޖުމްލަ އަދަދު 1153 އަށް އަރާފައިވާ ކަމަށެވެ.
ރާއްޖެއިން ކޮވިޑް ޖެހޭ މީހުންގެ އަދަދު މިހާރު ދައްވަމުންދާއިރު، މިއަދު ކޮވިޑަށް ޕޮޒިޓިވްވެފައި ވަނީ 14 މީހަކެވެ. މިއަދު ޕޮޒިޓިވްވެފައި ވަނީ ފަސް ދިވެހިންނާއި 8 ބަންގަލަދޭޝްގެ 8 މީހަކާއި ލަންކާ މީހެކެވެ.
ރާއްޖެއިން ކޮވިޑް ޖެހުނު މީހުންގެ ޖުމްލަ އަދަދު 1976 އަށް އަރާފައިވާއިރު، އޭގެ ތެރޭގައި ދިވެހިންގެ އަދަދުވެސް ވަނީ 686 އަށް އަރާފައެވެ. ބަންގްލަދޭޝްގެ ޖުމްލަ 1046 މީހަކު ޕޮޒިޓިވް ވެފައިވާއިރު، އިންޑިއާގެ 190 އަދި ލަންކާގެ 11 މީހަކާއި ނޭޕާލްގެ 24 މީހަކު ވަނީ ޕޮޒިޓިވްވެފައެވެ. މީގެ އިތުރުން އެކު ގައުމުތަކުން ޖުމްލަ 19 މީހަކު ވަނީ ޕޮޒިޓިވް ވެފައެވެ.
ކޮވިޑް ޖެހި ރާއްޖެއިން މަރުވި މީހުންގެ އަދަދު ވަނީ ޖުމްލަ 8 އަށް އަރާފައެވެ. 4 ދިވެހިންނާއި 4 ބިދޭސީންނެވެ. އެއީ 38 އަހަރުގެ ބަންގްލަދޭޝް މީހާ އާއި 54 އަހަރުގެ ބަންގްލަދޭޝް މީހަކާއި 45 އަހަރޔފެ ބަންގަލަދޭޝް ފިރިހެނެކާއި 83 އަހަރުގެ ދިވެހި އަންހެނަކާއި 33 އަހަރުގެ ބަންގްލަދޭޝް ފިރިހެނަކާއި 45 އަހަރުގެ ބަންގްލަދޭޝް ފިރިހެނަކާއި 80 އަހަރުގެ ދިވެހި ފިރިހެނެއްގެ އިތުރު 88 އަހަރުގެ ދިވެހި ފިރިހެނެކެވެ.
މިވަގުތު ކަރަންޓީންގައި ތިބީ 306 މީހުންނެވެ. އަދި އައިސޮލޭޝަންގައި ތިބީ 789މީހުނެވެ.
