ދ. ކުޑަހުވަދޫ ގައި މިއަދު ދުވަސް ނުފުރާ ވިހޭ ދެކުދިން މަރުވި ހާދިސާގައި މައި މީހާ ވިއްސަން ޖެހުނީ ފުރާނަ ސަލާމަތް ކުރަން ކަމަށް ދ. އަތޮޅު ހޮސްޕިޓަލުގެ މެނޭޖަރު ތޯހިރު އަބްދުއް ރާފިއު ވިދާޅުވެއްޖެއެވެ.
"ދަ ޕްރެސް" އަށް މައުލޫމާތު ދެއްވަމުން ތޯހިރު ވިދާޅުވީ، މީގެ 2 ދުވަސް ކުރިން ދ. މީދޫން އަތޮޅު ހޮސްޕިޓަލަށް ގެނައި މާބަނޑު މީހާ ގެނައީ ސިއްހީ އިމަޖެންސީ ހާލަތެއްގައި ކަމަށެވެ.
ދ. މީދޫން މާބަނޑު މީހާ ގެންދިޔައިރުވެސް ބްލީޑް ވާތީ، މިއަދު ވިހޭ ދެކުދިން ނަގާފައި ވަނީ ސިޒޭރިއަން ހަދައިގެންނެއެވެ. ދުވަސް ނުފުރާ ވިހޭ އެ ދެކުދިން ނިޔާވި އިރު، އާސަންދަ އާއި ހިދުމަތްތައް ލިބުމުގައި ލަސްތަކެއް ދިމާވި ކަމަށް ބައެއް މީޑިއާތަކުން ރިޕޯޓު ކުރި ނަމަވެސް އެކަން ދިމާވީ އެހެން ނޫން ކަމަށާއި، ކޮވިޑާ ގުޅިގެން އޮތް ލޮކްޑައުންގެ މިހާލަތުގައިވެސް، މާލެއިން މޯލްޑިވިއަންގެ ސީ ޕްލޭން އެކުދން ބަލައި ކުޑަހުވަދުއަށް ދަތުރު ކުރި ކަމަށް މެނޭޖަރު ވިދާޅުވިއެވެ.
ތޯހިރު ވިދާޅުވީ، އަވަސް ފަރުވާއަށް މާލެ ގެންދިއުމަށް ބޯޓު ކުޑަހުވަދުއަށް ދިޔަ އިރު މާލެއިން ވެންޓިލޭޓަރެއްވެސް ގެންދަން މަސައްކަތް ކުރި ކަމަށެވެ. އެއީ އެއަތޮޅު ހޮސްޕިޓަލުގައި އެ ވަސީލަތްތައް ނެތުމާއެކު އަވަސް ފަރުވާ ދެވޭނެ އިންތިޒާމްތައް ހަމަޖެއްސުމަށެވެ. ނަމަވެސް ސީޕްލޭނަށް އެރަށަށް ދެވުނު އިރު އެއް ކުއްޖަކު ވަނީ ހެނދުނު ނިޔާވެފައެވެ. އަދި ދެވަނަ ކުއްޖާވެސް ނިޔާވީ ބޭބީ ކުޑަވުމާއެކު ކްރިޓިކަލް ކަމުން ކަމަށެވެ.
މިއަދު ނިޔާވި ދެ ކުދިންގެ ޖަނާޒާ މިހާރު ވަނީ ބާއްވާފައެވެ. އަދި އެ ދެކުދިންގެ މައިމީހާގެ ހާލު ރަނގަޅުކަމަށް މެނޭޖަރު ވަނީ މައުލޫމާތު ދެއްވާފައެވެ.
ދުވަސް ނުފުރާ ވިހެއި ދެކުދިން މިއަދު ނިޔާވި އިރު، މިދިޔަ މަހު އއ. ތޮއްޑޫ އަދި ށ. ނަރުދޫ އިން ވަނީ ބަނޑަށް ދަރިފުޅު ނިޔާވެފައެވެ.
ސީ ސެކްޝަން އެން ނޫން ހެދީ ވިހެއީ. ދޮގު މައުލޫމާތު ދީފަ ތިއޮތީ ދެން ފެސިލިޓީސް ނެތްކަން އެގޭއިރު 4 ދުވަސް ވަންދެން މާބަނޑު މީހާ މާލެ ނުގެންގޮސް ބޭއްވީ ކީއްވެ ހޮސްޕިޓަލް ގަ ވެންޓިލޭޓަރެއް އިން އެކަމު 4 ދުވަސް ވީ އިރު ކޮންމެ ވަގުތަކުވެސް ވިހާފާނެ ކަން އެގޭ އިރު އެ ގުޅަންވެސް މަސައްކަތް ކުރީ އެއްކުއްޖަކު ނިޔާވިފަހުން
ވިހެއިތާ އެެއްދުވަސް ވެގެން ދިޔައިރުވެސް ސީ ޕުލޭނަް އަކަށް ނާދެވުނު ދޯ... އެހާވެސް ދުރު
އަތޮޅު ހޮސްޕިޓަލް ތަކުގެ ފެންވަރު ރަނގަޅު ކުރަންޖެހޭ ސަބަބު މިފެންނަނީ
އެހެންޔާ