އދ. މަހިބަދޫގައި ހުންނަ އެ އަތޮޅު، އަތޮޅު ހޮސްޕިޓަލަށް ޑޮކްޓަރަށް ދައްކަން މާމިގިލިން ދިޔަ ބަޔަކު ޑޮކްޓަރަށް ނުދެއްކި އަނބުރާ ރަށަށް ދާން ޖެހުނު މައްސަލަ އެޗްޕީއޭއަށް ހުށަހަޅާފައިވާ ކަމުގެ މައުލޫމާތު ލިބިއްޖެއެވެ.
ޑޮކްޓަރަށް ދައްކަން ގޮސް ނުދެއްކި އަނބުރާ ރަށަށް ދާން ޖެހުނު މައްސަލަ ފެންމަތިވެފައި ވަނީ މިދިޔަ ބުދަ ދުވަހެވެ.
މިކަމުގައި ކަން ހިނގާދިޔަ ގޮތް 'ދަ ޕްރެސް' އެ ހޮސްޕިޓަލުގެ މެނޭޖަރު ބުންޔާމީން ހަސަން ވަނީ ކިޔައިދެއްވާފައެވެ. ނަމަވެސް، އެދުވަހު އެތަނުގައި ތިބި ބައެއް މީހުން ވަނީ ހޮސްޕިޓަލް މެނޭޖަރުގެ ވާހަކަތައް ދޮގުކޮށްފައެވެ.
މެނޭޖަރު ވިދާޅުވީ މާމިގިލިން އެރަށަށް ދިޔަ ދެ ބަލިމީހަކު ޑޮކްޓަރަށް ނުދެއްކި ދިޔަ ކަމަށެވެ. އަދި ހޮސްޕިޓަލްގައި ހަމަޖައްސާފައި އޮންނަ އުސޫލުގެ ދަށުން އަތޮޅު ހޮސްޕިޓަލުގައި ހުންނަ އަންހެނުންގެ ހާއްސަ ޑޮކްޓަރަށް ދައްކާނަމަ މެނޭޖަރުގެ ހުއްދަ ދުރާލާ ހޯދަން ޖެހޭ ކަމަށާއި، އެގޮތުން މާމިގިލިން ލިބުނު ލިސްޓުގައި އޮތް 3 އަންހެނުން ނޯޓު ކޮށްފައި އޮތީ ތައިރޮއިޑް ޓެސްޓެއް ހަދަން ކަމަށެވެ.
މެނޭޖަރުގެ ވާހަކަ ދޮގު ކުރަމުން އެވަގުތު އެތަނުގައި ހުރި މީހަކު ބުނީ އެމީހުން މަހިބަދޫއަށް ދިޔައީ، މާމިގިލި ހޮސްޕިޓަލުގެ ޑޮކްޓަރުގެ ސިޓީއާއި ހުއްދަވެސް ހިފައިގެން ކަމަށާއި، ލޯންޗު އެރަށަށް ކައިރިކުރުމުން އެމީހުން ބަލާ އެމްބިއުލާންސް ވެސް ދިޔަ ކަމަށެވެ. އެމީހުން ބުނީ ހޮސްޕިޓަލުގެ ހުއްދަ ނުހޯދާ ދިޔަނަމަ، ލޯންޗު ކައިރިކުރާ ވަގުތު އެމީހުން ބަލާ އެތަނަށް އެންބިއުލާންސް ދާންވީ ސަބަބެއް ނެތް ކަމަށެވެ.
އޭނާ ބުނީ ހޮސްޕިޓަލަށް ދިއުމުން ލޭ ނަގާ، މެމޯ ހައްދައިދީ ހުރިހާ ކަމެއް ވެސް ކޮށްދިން ކަމަށާއި ސްކޭން ކުރާ ޑޮކްޓަރެއް އެ ހޮސްޕިޓަލުގައި ނެތުމުން ސްކޭންތައް ހައްދަނީ އަންހެނުންގެ ހާއްސަ ޑޮކްޓަރު ކަމަށް ކައުންޓަރުން މައުލޫމާތު ދިން ކަމަށެވެ. އަދި ތަކުރާރުކޮށް ސްކޭން ހެއްދޭނެތޯ ސުވާލު ކުރުމުން ވެސް އެއްވެސް މައްސަލައެއް ނެތި އެކަން ކުރެވޭނެ ކަމަށް ކައުންޓަރުން ބުނި ކަމަށް އޭނާ މައުލޫމާތުދެއެވެ.
ނަންބަރު ނުޖެހި ހުއްޓާ ލޯންޗު ފުރާ ގަޑި ޖެހި، އިތުރަށް ލާރި ދައްކަން ޖެހުމުން އެމީހުން ރަށަށް ދާން ބޭނުންވީ ކޮންމެއަކަސް ކުރަން ދިޔަ ކަންތައް ކޮށްގެންނެވެ. ހެނދުނު 10 ޖެހީއްސުރެން މެމޯ އިޝޫ ކޮށްގެން ޑޮކްޓަރުގެ އިންތިޒާރުގައި ތިބިއިރު، އިތުރަށް ބަލި މީހުން ނުބަލަން ޑޮކްޓަރު ނިންމި ކަން އެމީހުންނަށް އެންގީ ހަވީރު 4 ޖަހަން އުޅެނިކޮށެވެ. ސްކޭން ހައްދަން ފެން ބޮއެގެން ތައްޔާރު ވެގެން ތިބި އިރު، ސްކޭން ނުހެދި ތިބީ ހަމައެކަނި އެ ދެ މީހުންގެއެވެ.
އޭނާ ބުނީ، އެ ދުވަހު ހޮސްޕިޓަލަށް ދިޔައީއްސުރެ ވެސް މެނޭޖަރު ހުރީ ވަރަށް ބޮޑަށް ހިތްހަމަ ނުޖެހިފައި ކަމަށެވެ. އެގޮތުން އޭނާ މާމިގިލި ކައުންސިލަށް ގުޅާ، ހިތްހަމަ ނުޖެހިގެން ވާހަކަ ދެއްކި ކަމަށް ވެސް މައުލޫމާތު ލިބިފައިވެއެވެ.
އެތައް އިރެއް ވަންދެން މަޑުކުރުމަށް ފަހު ޑޮކްޓަރަށް ނުދެއްކި ދާން ޖެހުމުން މެނޭޖަރާ ވާހަކަ ދައްކަން ބޭނުންވި ކަމަށް އޭނާ ބުންޏެވެ. އަދި މެނޭޖަރު ވާހަކަ ދެއްކީ އެކަމާ ހިތްހަމަ ނުޖެހިގެން ކަމަށާއި، ސްކޭން ނުހެއްދުނީ ޑޮކްޓަރަށް ނާންގައި ދިއުމުން ކަމަށާއި، އެ ސްކޭން ނުހެއްދޭނެ ކަމަށް ވެސް ބުނީ މެނޭޖަރު ކަމަށް އެދުވަހު އެތަނުގައި ހުރި މީހަކު މައުލޫމާތު ދިނެވެ.
އޭނާ ބުނީ އެންމެ ފަހަރަކު ވެސް އެމަޖެންސީކޮށް ބަލިމީހަކު ގެންނަ ވާހަކަ އަންގާފައި ނުވާ ކަމަށެވެ. އަދި އެ ހިދުމަތް ހޯދއި ދިނުމަށް މެނޭޖަރު މަސައްކަތް ކޮށްފައި ނުވާ ކަމަށް އޭނާ ބުނެއެވެ.
މައުލޫމާތު ލިބިފައިވާ ގޮތުގައި، މިފަދަ ހާދިސާތައް މާމިގިލީގެ ބައެއް މީހުނަށް ވަނީ ދިމާވެފައެވެ.
ކޮވިޑޭ ކިޔައިގެން ޞިއްޙީ ދާއިރާއިން ފެތުރީ ބިރުވެރިކަން، ދެހާހާ ގާތްކުރާ އަދަދަކަށް ޕޮޒިޓިވް ކޭސްތައް ހުރި ނަަމަވެސް މީގެ މަރުވާ ނިސްބަތް މިއުޅެނީ ވ.ދަށުގައި، ޢާއްމު ރޯގާ އަދި އިންފުލުއެންޒާ ރޯގާ ޖެހިގެން މަރުވާނިސްބަތަށްވުރެ މާ ދަށުގައި، މިކަހަލަ ކަންކަން އެނގޭނީ ހޯދާބަލާބަޔަކަށް، ކޮވިޑަށްވުރެ އެހެން ބަލިތަކާ ދައުލަތުގެ ދޯހަޅިކަމުގެ ސަބަބުން މަރުވި މީހުނާ އެތަކެއް ގެއްލުންތަކެއްލިބި ގުނަވަންތައް ފެއިލްވީ ކިތައްމީހުންތޯ
ޅ ހިންނަވަރު އިބްރާހިމް މުހައްމަދު ސޯލިހު މިނިސްޓަރު އަމީން މައިމޫނާ އަބޫބަކުރު އަށް މި ޕެންޑިމެކައި ގުޅިގެން ފުރަބަންދު ކޮށް ސިއްހީ ހިތުމަތް ދޭ ތަންތަނާއި އެއް ރަށުން އަނެއް ރަށް ދަތުރު ފަތުރު ކުރުން ހަރުކަށި ކުރުމުގެ ސަބަބުން މި ކޮވިޑް ޖެހިގެން މަރު މީހުންނަށް ވުރެ ސިއްހީ ހިދުމަތް ނުލިބި ނުވަތަ ލަސްވެގެން ކިތައް ދިވެހި ރައްޔިތުންގެ ފުރާނަ ގެއްލިޖެތޯ؟ މައިމޫނާ އަބޫ ބަކުރު މިކަމުގެ ފުރިހަމަ ޒިންމާ ނަގަން ޖެހޭނެ އިންޝާﷲ އަދި ކޮންމެވެސް ދުވަހަކުން މީހުންނާއި ދެކޮޅަށް ޖިނާއީ ތަހުޤީޤެއް ކޮށް ޙައްޤު އަދަބު ދޭ ނަން އިންޝަﷲ
އިރާދަކުރެއްވީތީ ދިވެހިންނަށްވާ މިއޮތީ ޒިންމާދާރު ސަރުކާރެއް ލިބިފަ. ރައްޔިތުންނަށް މަރުހަބާ އަދި ޝުކުރިއްޔާ!
ބަލިމީހުން އެހެން ރަށްރަށުން އައުމުން ޑަކްޓަރަށް ދައްކާ ނިންމާލާފައި ފޮނުވާލަދޭނަމަ ރައްޔިތުން އުފާވާނެ. ހިދުމަތް ކުރުމަކީ އުފަލެއްކަމުގައި ހަދަމާ.
މީހުން ސިންޕަތީވީ ތިއީ މާބަނޑުމީހެއްކަމަށް ހީކޮށް. މުޅި ރާއްޖޭގެ ހުރިހާ މާބަނޑު މީހުންވެސް ދައްކަން އުނދަގޫވެގެން އުޅޭ މި ދަނޑިވަޅުގައި އެމީހުންނަށް އެއްވެސް ކުލުނެއްނެތި މަކަރުހަދައިގެން ކިއުފަޅާފަ ދައްކަން އުޅުނު މީހަކަށް އެއްވެސް ރެސްޕެކްޓެއް ނެތް
ބަލިމީހުންނަށް ފަރުވާ ކުރެވެންޖެހޭނެ،، ކޮންކޮވިޑެއް މިއީ ބޮޑު އޮޅުވާލުމެއ. އެމެރިކާ އަޑީގައި އޮވެ ޑަބްލިޔޫއެޗްއޯ ލައްވާ ހިންގާ ބޮޑު ޖަރީމާއެއް، ސާފުތަ؟
ތިބުނާ ހޮސްޕިޓަލުގަ ރަންގަޅަށްވިއްޔާ 2 ޑޮކްޓަރުންނާ 1 ގުޅަ ޕެނަޑޯލް އޮންނާނީ. ހުރިހާ ކަމަކަށް މާލެދާން ޖެހޭގޮތަށް އަހަރުމެންނަށް ރޭވިފަ އޮތީމަ ވާގޮތް މިއީ. މި ކަމުން ފިލާވަޅު ލިބިގަންނަންވެއްޖެ ކަންނޭންގެ..