މާލެއިން ކޮވިޑް-19 އަށް ޕޮޒިޓިވް ވި މީހާ، މީގެ ކުރިން އެބައްޔަށް ޕޮޒިޓިވްވި މީހަކާއި ދިމާވިކަން އަދި އެނގިފައި ނުވާ ކަމަށާއި، އޭނާއާ ޑައިރެކްޓް ކޮންޓެކްޓް ވީ 11 މީހެއްގެ ސާމްޕަލް ނަގާފައިވާ ކަމަށް ރައީސް އިބްރާހިމް މުހައްމަދު ސޯލިހު ވިދާޅުވެއްޖެއެވެ.
ރައީސް ސޯލިހް ވިދާޅުވީ، މިހާތަނަށް އެނގިފައިވާ މައުލޫމާތުން އެއީ ފަހުގެ ތާރީހެއްގައި ރާއްޖެއިން ބޭރަށް ދަތުރުކޮށްފައިވާ މީހެއް ނޫން ކަމަށާއި އަދި މި ބައްޔަށް ޕޮޒިޓިވްވި މީހަކާ ސީދާ ބައްދަލުވި ކަމަށްވެސް އެނގިފައި ނުވާ ކަމަށެވެ. އެހެންކަމުން އޭނާއަށް ބަލި ޖެހުނު ގޮތް ދެނެގަތުމުގެ މަސައްކަތް މިހާރު ކުރިއަށް ދާނެ ކަމަށް ރައީސް ސޯލިހު ވިދާޅުވިއެވެ.
މާލެ ތެރެއިން އެންމެ މީހަކުވެސް ބައްޔަށް ޕޮޒިޓިވްވެދާނެ ކަމަށް ބަލައި އެކަމަށް ސަރުކާރުން ތައްޔާރުވެފައިވާ ކަމަށާއި އަދި މިހާރު ރާއްޖެ އޮތީ އެ ހާލަތަށް ތައްޔާރުވެފައި ކަމަށް އެމަނިކުފާނު ވިދާޅުވިއެވެެ. ހަމައެއާއެކު ޕޮޒިޓިވްވާ އެންމެންނާ މެދު އަަމަލުކުރަމުންދާ ގޮތަށް އެ އަންހެން މީހާއާ މެދުވެސް ކަންކަން ކުރަމުންދާ ކަމަށާއި އޭނާއާ ބައްދަލުވި މީހުން ހޯދަމުންދާ ކަމަށްވެސް ރައީސް ވިދާޅުވިއެވެ.
ސަރުކާރުގެ އެންމެ މުހިންމު އަމާޒަކީ ދިވެހި ރައްޔިތުންނަށް ސިއްހީ ރައްކާތެރިކަން ކަށަވަރުކުރުން ކަމަށް އެމަނިކުފާނު ވިދާޅުވިއެވެ. މިކަމުގައި ކެތްތެރިކަމާ އެކު ސަރުކާރަށް އެއްބާރުލުން ދިނުމަށް ރައީސް އެދިވަޑައިގެންނެވިއެވެ.
(އަހަރެން) ނަށް ބުނެދޭން ބޭނުންވަނީ ވަގަށް ވޯޓްނަގާ ދެއްވީ ތިބޭފުޅާތޯއެވެ.
ހާދަ ދެރަވޭ ވަގަށް ވޯޓު ނަގައިގެން ވެރި ކަމަށް އާދެވުނީތީ . އެ ކަމާ ރޮވުނީވެސް