ދައުލަތުގެ އާމްދަނީ ވަރަށް ބޮޑަށް ދަށްވެއްޖެ ކަމަށާއި އެކަމުން އަރައި ގަންނާނެ ގޮތްތަކެއް ރާވަންޖެހޭ ކަމަށް ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދު ވިދާޅުވެއްޖެއެވެ.
ރައްޔިތުންހެ މަޖިލީހުގެ ރައީސް، ރައީސް މުހައްމަދު ނަޝީދު މިއަދު މަޖިލީހުގެ އިދާރާގައި ނޫސްވެރިންނާއި ބައްދަލުކުރައްވާ ވާހަކަދައްކަވަމުން ވިދާޅުވީ، މިދިޔަ ހަފްތާގައި މަޖިލީހުގެ ޖަލްސާތަކުގައި ކޮވިޑް19 ގެ ސަބަބުން ދިމާވި އިގްތިސޯދީ ހީނަރުކަމުން އަރައިގަތުމާއި ގުޅޭ ގޮތުން މެންބަރުން ބަހުސް ކުރެއްވި މައިގަނޑު ސަބަބަކީ ކޮވިޑް19 ފެތުރުމުގެ ސަބަބުން އިގްތިސާދަށް އަންނަ ލޮޅުންތަކުން އަރައި ގަތުމަށް ސަރުކާރުން ހިންގުމަށް ނިންމާފައިވާ ޕްރޮގްރާމް ތަންފީޒު ކުރުމަށް މަޖިލީހުން ދެކޭ ގޮތް ކަނޑައެޅުން ކަމަށެވެ.
މި ބަހުސްގެ ބޭނުމަކީ މަޖިލީހުން ރައީސްއަށް ލަފައެއް އެރުވުން ކަމަށާއި، އެ ލަފައަކީ ރައީސް ނިންމާފައިވާ ސްޓިއުމިއުލަސް ޕެކޭޖާއި ފިނޭންސް މިނިސްޓަރު ނިންމާފައިވާ ކަންކަމަށް މަޖިލީހުގެ މެންބަރުންގެ ލަފައެއް އެރުވުން ކަމަށެވެ.
ރައީސް ނަޝީދު ވިދާޅުވީ މަޖިލީހުގެ ކޮމިޓީ ތަކުގައިވެސް އިގްތިސޯދީ ހީނަރުކަމުން ރާއްޖެ އަރައިގަންނާނެ ގޮތްތައް ހޯދުމަށް މަޝްވަރާ ކުރަމުން އަންނަ ކަމަށެވެ. އެގޮތުން މަޖިލީހުގެ ކޮމިޓީތަކުގައި ހިންގަމުންދާ މަސައްކަތްތަކުގެ ތެރޭގައި ފަތުރުވެރިން ރާއްޖެ އަންނާނެ ދުވަހެއް އަންދަޒާއެއް ހޯދުމަށްޓަކައި ދުނިޔޭގެ މާހިރުންތަކާއި އެކީ މަސައްކަތް ކުރުން ހިމެނޭ ކަމަށް ނަޝީދު ވިދާޅުވިއެވެ. އަދި މަސްވެރިކަމުގައި ވިޔަފާރި މިހާރު ދުނިޔޭގައި އޮތް ގޮތާއި ކުރިއަށް ވާނެ ގޮތާއި މެދުވެސް ދިރާސާ ހިންގާ އަދި ވަޒީފާ ގެއްލޭ މީހުން އަދި ދަތިވާ ފަރާތްތައް ދަނެގަނެވި ސަރުކާރުން ހިންގާ ޕްރޮގްރާމް ތަކުގެ ފައިދާއާއި މަންފާ ލިއްބައި ދިނުމަށް މަޖިލީހުގެ ފަރާތުން މަސައްކަތް ކުރަމުންދާނެ ކަމަށް ރައީސް ނަޝީދު ވިދާޅުވިއެވެ.
ރައީސް ނަޝީދު ވިދާޅުވީ އިގްތިސޯދީ ހީނަރުކަން ހަމައެކަނި އައިސްފައި ވަނީ ރާއްޖެއަށް ނޫން ކަމަށާއި، އިގްތިސޯދީ ހީނަރުކަމަކީ ދުނިޔޭގެ ހުރިހާ ގައުމަކަށްވެސް މިހާރު ކުރިމަތިވެފައިވާ ކަމެއް ކަމަށެވެ. މިކަމުން އަރައިގަންނާނީ އެންމެން އެކީ މަސައްކަތް ކުރުމުން ކަމަށް ރައީސް ނަޝީދު ފާހަގަކުރެއްވިއެވެ.
ކުރަންވީ ކަންކަން މިހިރީ. ކެރޭނެބާ؟ 1) ގަވައިދާ ހިލާފަށް އުޅޭ ބަންގާޅީންނާ ހަވާލުވާން އަންގަންވީ ބަންގާޅު ސަރުކާރަށް، މުއްދަތެއް ދީފަ 2) ބަންގާޅުން އަޅާނުލައިފިއްޔާ މިތާ ގަވައިދާ ހިލާފަށް މިއުޅޭ ބަންގާޅީން ހަތިޔާރުއެޅި ސިފައިންގެ ބެލުމުގެ ދަށުން ނެރެންވީ މަސްވެރިކަމަށާ ދަނޑުވެރިކަމަށް. 3) ފޭލްވެފަ ހުރި ރިސޯޓުތައް ނަގައި، އެތަންތާގެ ބަދިގެތައް ބޭނުންކުރަންވީ މަސް ޕްރޮސެސް ކުރަން. އަދި ދެންއޮތް ބިމުގައި ދަނޑުވެރިކަން ކުރަންވީ. ގެސްޓުކޮޓަރިތައް އަސާސީ ހިދުމަތްތަކަށް ބަދަލުކޮށްފައި ބޭނުންކުރަންވީ ގަވައިދާ ހިލާފު ބިދޭސިން ނިންދަވަން. ވަކިން ހާއްސަކޮށް މާލެޔަށް ގިނަވެގެން މިއުޅޭ ބައިގަނޑު. 4) ހުރިހާ ފަޅުރަށެއް ވަގުތުން ދަނޑިވެރިކަމަށް ބަދަލުކުރަންވީ ކެރޭނެ ބާ؟؟؟؟ ކުރަންޖެހޭ!
ތިމުސީބާތުން މިގައުމު ސާލާމައްކުރަ
ބޯކޮށް ބަދަލު ދޭން ފަށާ. އޭރުން ހުންނާނީ ރަގަޅަށް.