ދުނިޔޭގައި ހަލުވި ކަމާއެކު ފެތުރެމުން ދާ ކޮރޯނާވައިރަސް ޖެހިގެން މެލޭޝިއާގައި މީހަކު މަރުވެއްޖެއެވެ. މިއީ އެ ވައިރަސް މެލޭޝިއާގައި ފެތުރެން ފެށިފަހުން މީހަކު މަރުވިކަން ރިޕޯޓު ކުރި ފުރަތަމަ ފަހަރެވެ.
ހަބަރުތައް ބުނާގޮތުގައި މަރުވެފައިވަނީ މެލޭޝިއާގެ ރައްޔިތެކެވެ. އޭނާ މަރުވީ ސަރަވަކު ޖެނެރަލް ހޮސްޕިޓަލުގައި ފަރުވާ ދެމުން ދަނިކޮށެވެ. އުމުރުން 60 އަހަރުގެ މިމީހާ ނިސްބަތްވާ ސަރަވަކު ގައި ކޮރޯނާވައިރަސްގެ 11 ކޭސް ފެނިފައިވާއިރު، 190 ފަރާތެއް ކްލޯސް ކޮންޓެކްޓުގެ ގޮތުގައި ފާހަގަ ވެފައިވާކަމަށްވެސް ހަބަރުތައް ބުނެއެވެ.
މެލޭޝިއާއަކީ ގިނަ އަދަދެއްގެ ދިވެހިން ދިރިއުޅޭ ގައުމެކެވެ. މެލޭޝިއާގައި ކުއްލި ހާލަތު އިއުލާނު ކުރުމާ ގުޅިގެން އެއްފަހަރާ ގިނަ ބަޔަކު ވިޔަފާރި ކުރުމުގެ ސަބަބުން އެ ގައުމުގެ ބޮޑެތި ޝޮޕިންމޯލްތައް މިހާރުވަނީ ހުސްވެފައެވެ.
މެލޭޝިއާގައި މާދަމާއިން ފެށިގެން ވަނީ ކުއްލި ހާލަތު އިއުލާންކޮށްފައެވެ.
