އާވީ ނޭޗަސް ޕެރެޑައިސް މޯލްޑިވްސް ރިސޯޓުން ބިދޭސީއެއްގެ ގައިން ކޮވިޑް19 ގެ އަލާމާތްތައް ފެނި ސާމްޕަލް ނަގާ ޓެސްޓްކުރަން ފަށާއިފިއެވެ.

ހެލްތް ޕްރޮޓެކްޗަން އެޖެންސީ (އެޗްޕީއޭ) އިން ބުނީ، ރައްކާތެރިކަމުގެ ގޮތުން އަމަލު ކުރަމުންދާ އުސޫލުގެ ދަށުން، ކޯވިޑް19އަށް ޝައްކުކުރެވޭ އަލާމާތްތައް ހުރެގެންއާވީ ނޭޗަސް ޕެރަޑައިސް މޯލްޑިވްސް ރިސޯޓުން ބިދޭސީއެއްގެ ސާމްޕަލް ނަގާ ޓެސްޓްކުރުމުގެ މަސައްކަތް ކުރިއަށް ގެންދާ ކަމަށެވެ. އަދި ނަތީޖާ ލިބެންދެން އޭނާ ވަނީ ހޯމް އައިސޮލޭޝަންގައި އެ ރިސޯޓުގައި ބައިތިއްބާފައި ކަމަށް އެޗްޕީއޭއިން ބުނެއެވެ.

ވޭތުވެ ދިޔަ 24 ގަޑިއިރު ތެރޭގައި 3 ޕޮޒިޓިވް ކޭސް ވަނީ އައިސްފައެވެ. އެއީ އަނަންތަރާއިން އެއް ބިދޭސީއަކާއި އައިލެންޑް ސަފާރީގައި ތިބި ދެ ބިދޭސީންނެވެ. މި ބައްޔަށް ޝައްކު ކުރެވިގެން ވޭތުވެ ދިޔަ 24 ގަޑިއިރުތެރޭ ވަނީ ރާއްގެއިން ބޭރުން އައި ދެމީހުންނާއި އެކު ރިސޯޓުތަކުން 4 މީހެއްގެ ސާމްޕަލް ނަގާފައެވެ. ޖުމްލަ 6 މީހެއްގެ ގައިން މިއަދު ވަނީ ސާމްޕަލް ނަގާފައެވެ.

އާވީ ނޭޗާސް ޕެރެޑައިސް މޯލްޑިސް ރިސޯޓުން ބިދޭސީއެއްގެ ސާމްޕަލް ނަގާފައި ވާއިރު މިއަދު އަނަންތަރާ ދިގުރަށުން ދިވެއްސަކާއި ފޯސީޒަން އިން ދެ ބިދޭސީންގެ ގައިން ވަނީ ސާމްޕަލް ނަގާފައެވެ. މީގެ އިތުރުން މިއަދު ދޯހާއިން ރާއްޖެއަށް އައި ފްލައިޓަކުން މީހަކު ވަނީ ކޮވިޑް-19 ގެ އަލާމަތް ފެނި ފަރުކޮޅުފުއްޓަށް ގެންގޮސްފައެވެ. ހަމައެއާއެކު ސްޕެއިން އިން ރާއްޖެއަށް އައި ދިވެއްސެއްވެސް ވަނީ ބައްޔަށް ޗާއްކު ކުރެވޭތީ އެކަހެރި ކުރުމަށް ފަރުކޮޅުފުއްޓަށް ގެންގޮސް ފައެވެ.

ރާއްޖޭގެ ޖުމްލަ 13 ޕޮޒިޓިވް ކޭސް:

  • ކުރެއްދޫ އައިލެންޑް ރިސޯޓް: 5
  • ކުރަމަތި އަިލެންޑް ރިސޯޓް: 2
  • ސޭންޑީސް ބަތަލާ ރިސޯޓް: 2
  • އަނަންތަރާ ދިގުރަށް: 2
  • އައިލެންޑް ސަފާރީ: 2

މި ބައްޔަށް ޕޮސިޓިވް ވެފައިވާ މީހުން އިތުރަވަމުން ދާ އިރު މި ބަލިން ރައްކާތެރި ވުމުގެ ގޮތުން ސަރުކާރުން އަންނަނީ އެކި ފިޔަވަޅުތައް އަޅާމުންނެވެ. އެގޮތުން ބަލި ޖެހިފައިވާ މީހުން ނުވަތަ މި ބައްޔަށް ޝައްކު ކުރެވޭ ފަރާތްތައް އެކަހެރިކުރުމަށް ހަދަމުންދާ މަރުކަޒުތައް ވަނީ އިތުރުކޮށްފައެވެ. މިހާރު ބޭނުން ކުރަމުންދާ މަރުކަޒުތަކުގެ އިތުރުން ރާއްޖޭގެ ހުރިހާ އަތޮޅުތަކެއްގައި ޖުމްލަ 358 ކަރަންޓީން ފެސިލީޓީ އާއި 283 އައިސޮލޭޝަން ފެސިލީޓީ ވަނީ ހަމަޖައްސާފައެވެ.